តំណាងរាស្រ្តគណបក្សសង្គ្រោះជាតិ ដែលទទួលរងការប្រើហិង្សា នៅតែសម្តែងការ ព្រួយបារម្ភពីសុវត្ថិភាព និងមិនអាចទទួលយកបានចំពោះជន៣រូបដែលចូលសារភាព តាមការរៀបចំទុក

ដោយ៖វីរជន

ក្រោយជើងយន្តហោះ បាងកកអ៊ែវ៉េ មកដល់ព្រលានយន្តហោះអន្តរជាតិភ្នំពេញ កាលពីរសៀល​ថ្ងៃ​ទី២៤ វិច្ឆិកា និងការរងចាំ​ទទួល ពីសំណាក់ពលរដ្ឋ ព្រះសង្ឃ ថ្នាក់ដឹកនាំ សកម្មជន អ្នកគាំទ្រ​គណ​បក្សសង្គ្រោះជាតិ តំណាងរាស្រ្តគណបក្សសង្គ្រោះជាតិ ចំនួន២រូប ដែលរងគ្រោះ​ដោយការ​ប្រើ​ហិង្សា​យ៉ាងឃោរឃៅ ព្រៃផ្សៃ ពីសំណាក់ក្រុមបាតុករ ដែលគាំទ្រគណបក្សប្រជាជន កាល​ពី​ថ្ងៃ​ទី២៦ តុលា ថ្លែងថា រូបលោកនៅតែព្រួយបារម្ភពីសុវត្ថិភាព និងនៅតែមិនអាច​ទទូលយក​បាន​ជន​៣រូបដែលចូលខ្លួនមកសារភាព ក្រោយការរៀបចំទុក ។

លោក គង់ សភា ស្ថិតនៅក្នុងស្ថានភាពត្រចៀកមិនទាន់ស្តាប់ឮច្បាស់ និងនៅឈឺខ្ទង់ច្រមុះបាក់ ព្រម​ទាំងចង្កេះនៅឈឺនៅឡើយ ក្នុងដំណើរមួយ និងសម្លេងមិនទាន់លះ ប្រាប់អោយដឹងថា រូប​លោក ស្នើឲុ្យសមត្ថកិច្ចពន្លឿនចាប់ជនដៃដល់ និងអ្នកនៅពីក្រោយខ្នងមកផ្តន្ទាទោស តាមផ្លូវ​ច្បាប់​ ក្រៅតែជន៣រូបចូលមកសារភាព ដែលរូបលោក ក៏ដូចលោក ញ៉យ ចំរើន មិនទាន់​អាច​ទទួល​យកបាន និងស្ងប់ចិត្តនោះឡើយ ។​

លោកបន្តថា ការមិនទាន់ចាប់ជនដៃដល់ និងអ្នកនៅពីក្រោយខ្នងនេះ បានធ្វើអោយរូបលោកនៅ តែព្រួយបារម្ភពីសុវត្ថិភាព និងខ្លាចមានអំពើដ៏ព្រៃផ្សៃ យ៉ង់ឃ្នងនេះ កើតឡើងជាថ្មីម្តងទៀត ទាំង អារម្មណ៏រន្ធត់នៃព្រឹត្តិការណ៏នោះ នៅមិនទាន់រលត់ពីរូបលោកនៅឡើយ ។ 

ដោយឡែកលោកប្រធានស្តីទី កឹម សុខា ជាមួយគ្នានោះដែរ មានប្រសាសន៏ថា គណបក្ស​សង្គ្រោះ​ជាតិ ចង់បាននូវអ្វីដែលជាយុត្តិធម៌ និងធ្វើយ៉ាងណាអោយអ្នកតំណាងរាស្រ្តមានសុវត្ថិ ភាព ក្នុងការបំពេញបេសកកម្មការងារជូនជាតិទៅមុខទៀត ពិសេសជាងនេះ គឺគណ​បក្ស​សង្គ្រោះ​ជាតិ ចង់អោយប្រទេសកម្ពុជាមានស្ថេរភាពនយោបាយល្អប្រសើរ ដើម្បីធ្វើការងារ​បំរើ​ជាតិ​ មាតុភូមិទាំងអស់គ្នា ។ 

គួរជំរាបជូនថា​ ចាប់តាំងពីថ្ងៃកើតមានអំពើហិង្សាមកលើអ្នកតំណាងរាស្រ្តគណបក្សសង្គ្រោះជាតិ លោក គង់ សភា និងលោក ញ៉យ ចំរើន​ កាលពីថ្ងៃទី២៦​ តុលាមក សមត្ថកិច្ចនៅមិនទាន់ចាប់​ជនដៃដល់ និងអ្នកនៅពីក្រោយខ្នងយកមកផ្តន្ទាទោសនៅឡើយទេ ដែលនេះ​បង្ហាញអោយ​ឃើញ​ ពីការគ្មានចំណាត់ការ និងការផ្តល់យុត្តិធម៌ ជូនតំណាងរាស្រ្តគណបក្សសង្គ្រោះជាតិ ។​

កត្តាទាំងនេះហើយ ធ្វើអោយបជ្ឈដ្ឋាននានារិះគន់មិនសំចៃមាត់​ ពីការគ្មានតម្លាភាព ក្នុងការ រ​ក​យុត្តិធម៌របស់មត្ថកិច្ច និងតុលាការ ជូន មន្រ្តី សកម្មជន និងថ្នាក់ដឹកនាំគណបក្សប្រឆាំង​​ ផ្ទុយ​ពី​ករណី​ដែលកើតឡើង លើមន្រ្តីរដ្ឋាភិបាល ឬ សកម្មជន ថ្នាក់ដឹកនាំ នៃគណបក្សកាន់អំណាច សមត្ថកិច្ច តុលាការ ចាត់វិធានការ យ៉ាងមានប្រសិទ្ធភាពភ្លាមៗ នេះហើយដែលគេហៅថា កា​អនុវត្តន៏ច្បាប់ពីរនៅកម្ពុជានោះ ៕