ដោយ៖វីរជន
សភាអ៊ឺរ៉ុប កាលពីថ្ងៃទី២៤ វិច្ឆិកា បានសម្តែងការព្រួយបារម្ភនៅក្នុងញត្តិរបស់ខ្លួន
ចំពោះភាពតាងតឹងនយោបាយ ដែលបានកើតឡើងក្នុងប្រទេសកម្ពុជា មួយរយៈពេលចុងក្រោយនេះ ។
សភាអ៊ឺរ៉ុប ជុំរុញអោយរដ្ឋាភិបាល
ដែលដឹកនាំដោយគណបក្សប្រជាជន និងមានលោក ហ៊ុន សែន ជានាយករដ្ឋមន្រ្តី ត្រូវតែបញ្ចប់ការធ្វើទុកបុកម្នេញ
មកលើសកម្មជន និងអ្នកតំណាងរាស្រ្តគណបក្សសង្គ្រោះជាតិ
ដូចអ្វីដែលបានកើតឡើងថ្មីៗនេះ មកលើលោក គង់ សភា និងលោក ញ៉យ ចំរើន រួមទាំងប្រធាន
និងអនុប្រធាន គណបក្សសង្គ្រោះជាតិ ផងដែរ ។
ដូចគ្នានេះ សភាអ៊ឺរ៉ុប ក៏បានជុំរុញ អោយលោក ហ៊ុន
សែន ផ្តល់អភ័យឯកសិទ្ធិសភា ជូនលោក ប្រធាន សម រង្ស៊ី ព្រមទាំងទម្លាក់ចោល នូវបទចោទនានា
មកលើលោកប្រធាន ព្រមទាំងអនុញ្ញាតឲ្យរូបលោក
និងតំណាងរាស្ត្រគណបក្សសង្គ្រោះជាតិ ផ្សេងទៀត ត្រឡប់មកកម្ពុជាវិញដោយមិនបារម្ភពីការចាប់ខ្លួន
ឬ ការធ្វើទុក្ខបុកម្នេញផ្សេងៗ ។
សភាអឺរ៉ុប
ក៏បានអំពាវនាវផងដែរ ឲ្យអាជ្ញាធរ បញ្ឈប់ការប្រើប្រាស់អំណាចនយោបាយទៅលើប្រព័ន្ធតុលាការ
និងដោះលែងសកម្មជនបក្សប្រឆាំងដែលកំពុងជាប់ពន្ធនាគារ ជាពិសេស គឺបញ្ចប់ការធ្វើទុក្ខបុកម្នេញចំពោះសកម្មជនការពារសិទ្ធិមនុស្ស
។ សមាជិកសភាអឺរ៉ុប ក៏ចង់ឃើញអាជ្ញាធរខ្មែរ
គោរពអ្វីដែលមានចែងក្នុងរដ្ឋធម្មនុញ្ញ ឲ្យបានពេញលេញ ទាក់ទងទៅនឹងលទ្ធិប្រជាធិបតេយ្យ
សេរីពហុបក្ស សេរីភាពបញ្ចេញមតិ និងសេរីភាពនៃការជួបប្រជុំ
ពិសេសធ្វើការផ្សព្វផ្សាយអំពីសិទ្ធិ និងសេចក្តីថ្លៃថ្នូររបស់ប្រជាពលរដ្ឋ
តាមរយៈការគាំពារសិទ្ធិនយោបាយ និងសិទ្ធិពលរដ្ឋ ។
សភាអ៊ឺរ៉ុប
ក៏ពាវនាវដល់មន្ត្រីជាន់ខ្ពស់របស់ខ្លួន គឺអនុប្រធាននៃតំណាងជាន់ខ្ពស់សហភាពអឺរ៉ុប
ទទួលបន្ទុកគោលនយោបាយសន្តិសុខ និងកិច្ចការបរទេស ឲ្យលើកឡើងពីស្ថានភាពនយោបាយ
ច្បាប់ និងសិទ្ធិមនុស្ស ជាមួយរដ្ឋាភិបាលលោក ហ៊ុន សែន ដោយមិនមានការបង្អែបង្អង់យូរឡើយ
។
សូមជំរាបថា
កាលពីពេលថ្មីៗនេះ សហរដ្ឋអាមេរិក អគ្គលេខាធិការអង្គការសហប្រជាជាតិ អង្គ ការជាតិ
និងអន្តរជាតិ បានថ្កោលទោសចំពោះការធ្វើទុកបុកម្នេញរបស់គណបក្សកាន់អំណាច មកលើសកម្មជន
មន្រ្តី និងថ្នាក់ដឹកនាំគណបក្សសង្គ្រោះជាតិ ដោយក្នុងនោះក៏បានជុំរុញដូចគ្នា
អោយរដ្ឋាភិបាលលោក ហ៊ុន សែន បញ្ចប់បញ្ហាទាំងនេះ និងត្រូវផ្តល់អភ័យឯកសិទ្ធិសភា ជូនលោកប្រធាន
សម រង្ស៊ី រួមទាំងទម្លាក់ចោលការចោទប្រកាន់នានា មកលើលោកប្រធាន ដូចអ្វីដែល
សភាអ៊ឺរ៉ុប បានធ្វើនាពេលនេះផងដែរ ៕
No comments:
Post a Comment
yes