គ្រួសារលោក អ៊ុក ពេជ្រសំណាង ទុក្ខជាន់លើទុក្ខ ឪពុកជាប់គុក កូនមរណៈភាព

ដោយៈវីរជន

វាពិតជារឿងមហាសែនស្រណោះ ចំពោះគ្រួសារលោក អ៊ុក ពេជ្រសំណាង សកម្មជនគណបក្ស សង្គ្រោះជាតិ ឪពុកជាប់គុក កូនប្រុសបង្គោលគ្រួសារទទួលមរណ

ៈភាព ។

លោក ហេង មេត្តា អាយុ៣០ឆ្នាំ គឺជាកូនប្រុសច្បងក្នុងគ្រួសារលោក អ៊ុក ពេជ្រសំណាង ទទួល មរណៈភាពថ្ងៃដែលឪពុកត្រូវតុលាការក្រុងភ្នំពេញ សម្រេចផ្តន្ទាទោសដាក់ពន្ធនាគារចំនួន៧ឆ្នាំ ក្នុងហេតុផលនយោបាយ ដោយភ្ជាប់ជាមួយនិងអំពើហិង្សានៅទីលានប្រជាធិបតេយ្យ ។

លោក ហេង មេត្តា លាចាកលោកទៅ ដោយមិនបានលាឪពុកបណ្តូលចិត្តសូម្បីតែមួយម៉ាត់ រីឯ ឪពុកក៏មិនបានមើលមុខកូនប្រុសសំណព្វជាលើកចុងក្រោយ ដោយព្រហ្មលិខិតឥតមេត្តា តុលាការចិត្តអប្រិយ បានកាត់ផ្តាច់មនោសញ្ចេតនាលើកចុងក្រោយរវាងឪពុកនិងកូនអ្នកទាំងពីរ ។

ហេង មេត្តា ត្រូវបានមច្ចុរាជឆាបឆក់យកជិវិត នៅវេលាម៉ោង៩និង៣០នាទីព្រឹក នាមន្ទីរពេទ្រ​រុស្ស៊ី ធ្វើឲ្យក្រុមគ្រួសារយំសោកបោកប្រាណ អាឡោះអាល័យជាទីបំផុត ដែលត្រូវស្លាប់ទាំងវ័យ ក្មេង ដោយជំងឺមហារីកបោះថ្លើម ។

ក្នុងពេលដំណាលគ្នានេះ លោក អ៊ុក ពេជ្រសំណាង ដែលជាឪពុក បន្ទាប់ពីបានទទួលដំណឹងនៃ មរណៈភាពរបស់កូន ស្ទើរធ្លាក់ថ្លើម ស្លុតស្មារតីយ៉ាងខ្លាំង​ ដោយមិនបានស្តាប់សំដីកូនប្រុសជា លើកចុងក្រោយ ព្រោះខ្លួនត្រូវបំពេញកាតព្វកិច្ចចូលខ្លួនក្នុងសវនាការ ដោយសង្ឃឹមថា និងបាន មើលមុខកូនក្នុងពិធីបុណ្យសព ពេលបញ្ចប់សវនាការ នាវេលាល្ងាច ។

ចុងបញ្ចប់អ្វីៗដែលលោក អ៊ុក ពេជ្រសំណាង គិតទាំងនោះត្រូវរលាយសូន្យទៅវិញ ហើយវាកាន់​តែធ្វើឲ្យរូបលោកស្លុតចិត្តធ្វេរឡើង ស្ទើរតែសន្លប់ នៅពេលប្រធានអង្គជំនុំជម្រះលោក លឹម ម៉ុក​ការ៉ុន សម្រេចផ្តន្ទាទោសមកលើរូបលោកយ៉ាងអយុត្តិធម៌ ឲ្យជាប់ពន្ធនាគារចំនួន៧ឆ្នាំ និងបង់ ប្រាក់ចំនួន៨លានរៀល ទៅក្រុមបាតដៃទី៣ ដែលជាសន្តិសុខក្រៅក្រមខណ្ឌរបស់សាលាក្រុង ដែល​អ្នកណាក៏ដឹងដែរថា​ ពួកគេទាំងនោះ គឺជាជនបង្ករហឹង្សាមកលើក្រុមបាតុករ ដែលបានឈរ​ទាម​ទារ និងបំពាក់ក្រឡាត់លើរបងលួស ដោយអហិង្សា សុំឲ្យមានការបើកទីលានប្រជាធិប​តេយ្យ ដែលត្រូវបានបិតតាំងពីដើមខែមករា​ ឆ្នាំ២០១៥នោះ ។

លោក អ៊ុក ពេជ្រសំណាង ជាលើកទី២ហើយ ដែលត្រូវជាប់ពន្ធនាគារព្រៃស ក្នុងហេតុផលនយោ បាយ ករណីនៅស្ពាននាគ ក្បែរទីលានប្រជាធិបតេយ្យ ដែលរូបលោក ទើបតែត្រូវបានតុលាការ ដោះលែងឲ្យនៅក្រៅឃុំ កាលពីថ្ងៃទី១៣ ខែមេសា ឆ្នាំ២០១៥ មុន១ថ្ងៃនៃពិធីបុណ្យចូលឆ្នាំថ្មី ។

លោក អ៊ុក ពេជ្រសំណាង ជាមេគ្រួសារ ទទួលបន្ទុករកស៊ីចិញ្ចឹមប្រពន្ធកូន ដែលមានជីវភាពខ្វះ ខាត ហើយក្នុងនោះបើលោកជាប់ពន្ធនាគារ ហេង មេត្តា ដែលជាកូនប្រុសច្បងជាអ្នករាប់រងការ ងារទាំងនោះ ជំនួស ដែលត្រូវចិញ្ចឹមម្តាយ និងប្អូន៣នាក់ទៀត ។

តែពេលនេះ គ្រួសារលោក អ៊ុក ពេជ្រសំណាង កាន់តែលំបាកថែមទៀត ព្រោះកូនប្រុសដែលជា បង្គោលគ្រួសារនោះ បានលាចាកលោកទៅហើយ ដោយជំងឺមហារីកបោះថ្លើម កាលពីថ្ងៃទី២១ ខែកក្កដា វេលាម៉ោង៩និង៣០នាទីព្រឹក ដែលសពបានបូជាចប់សព្វគ្រប់ផងដែរ នៅវត្តទឹកថ្លា នា​ព្រឹក​ថ្ងៃទី២២ ខែកក្កដា​ ដែលមិនអាចឲ្យគ្រួសារដ៏កំសត់ទីទាល់មួយនេះ អាចតម្កល់សព​កូន​បាន​យូរ​ឡើយ ។

ពិធីបុណ្យសព៧ថ្ងៃ របស់លោក ហេង មេត្តា និងប្រារព្វធ្វើ ចាប់ពីវេលាម៉ោង៣ល្ងាច ថ្ងៃទី២៦ ខែកក្កដា ឆ្នាំ២០១៥ នៅវត្តទឹកថ្លា សូមបងប្អូនប្រជាពលរដ្ឋទាំងអស់ ដែលបានស្គាល់រាប់អាន​គ្រួសារ លោក អ៊ុក ពេជ្រសំណាង អញ្ជើញចូលរួមក្នុងពិធីបុណ្យទាំងអស់គ្នា ឲ្យ​បាន​ច្រើន​កោះ​ករ ដើម្បីផ្តល់ និងជាកាលើកទឹកចិត្តដល់គ្រួសារលោក អ៊ុក ពេជ្រសំណាង ដែលជួបទុក្ខ​ជាន់​លើ​ទុក្ខ ឪពុកជាប់គុក កូនមរណៈភាព ៕