លោក ហ៊ុន សែន និងលោក សម រង្ស៊ី នៅថ្ងៃពុធនេះ បានពិភាក្សាគ្នាតាមទូរសព្ទ
ដើម្បីស្វែងរកយុទ្ធវិធីដោះស្រាយបញ្ហាការជាប់គាំងនយោបាយ។ នៅក្នុងកិច្ចពិភាក្សានោះ មេដឹកនាំទាំងពីរបានលើកឡើងពីប្រធានបទចំនួន ៣
ចំណុចសំខាន់ដួចជា ការបោះឆ្នោតមុនអាណត្តិ ជាដើម។ នេះបើតាមការឲ្យដឹងពីលោក អេង ឆៃអ៊ាង អនុប្រធានគណកម្មការនាយកនៃគណបក្សសង្គ្រោះជាតិ។
យោងតាមមន្ត្រីជាន់ខ្ពស់របស់បក្សប្រឆាំងរូបនេះ មេដឹកនាំទាំងពីបានពិភាក្សាគ្នាលើកាលបរិច្ឆេទបោះឆ្នោតជ្រើសតាំង
តំណាងរាស្ត្រខែកុម្ភៈឆ្នាំ២០១៨ និងការបោះឆ្នោតឃុំសង្កាត់ខែកុម្ភៈឆ្នាំ២០១៧
ប៉ុន្តែមិនទាន់មានការសម្រេចយ៉ាងណានោះទេ។
ក្រោយពីមានភ្លើងខៀវពីលោកនាយករដ្ឋមន្ត្រី ហ៊ុន សែន លោក សម រង្ស៊ី ប្រធានគណបក្សសង្គ្រោះជាតិ
បានជជែកជាមួយលោក ហ៊ុន សែន តាមទួរសព្ទលើប្រធានបទចំនួន៣គឺ ទី១កំណត់ពេលវេលាបោះឆ្នោតមុនអាណត្តិ។
ទី២ ការកែទម្រង់ស្ថាប័នគ.ជ.ប និងទី ៣ លើបញ្ហាប្រព័ន្ធផ្សព្វផ្សាយ។
លោក អេង ឆៃអ៊ាង អនុប្រធានគណកម្មការនាយកនៃគណបក្សសង្គ្រោះជាតិ និងជាអ្នកនៅស្តាប់លោក
សម រង្ស៊ី និយាយជាមួយលោក ហ៊ុន សែន ផងនោះ បានប្រាប់គេហទំព័រថ្មីៗ យ៉ាងដូច្នេះថា៖«លោកប្រធានបានទូរសព្ទនិយាយជាមួយឯកឧត្តមស
ខេងប្រហែល១០នាទី។ បន្ទាប់មក ដើម្បីអោយមានការសម្រេចបានលឿន លោកប្រធានក៏បានទូរស័ព្ទទៅសម្តេចហ៊ុន
សែនតែម្តង។ ពួកគាត់និយាយគ្នាប្រមាណ៤៥នាទី»។
លោកអេង ឆៃអ៊ាងមិនទាន់អាចបញ្ជាក់អំពីលទ្ធផលនៃការពិភាក្សាតាមទូរសព្ទរបស់
មេដឹកនាំគណបក្សទាំងពីរនោះនៅឡើយទេ។ ប៉ុន្តែមន្ត្រីជាន់ខ្ពស់របស់គណបក្សសង្គ្រោះជាតិរូបនេះបញ្ជាក់ថា
«កាលណាអ្នកសម្រេចចិត្តផ្នែកនយោបាយបានជជែកគ្នា
វានឹងអាចមានលទ្ធផលលឿន»៕
No comments:
Post a Comment
yes