សមាជិកព្រឹទ្ធសភាគណបក្ស សម រង្ស៊ី ទទូចឲ្យគណបក្សនយោបាយឈ្នះអសនៈក្នុងសភា ពិភាក្សាបញ្ចប់ជាបន្ទាន់ លើសមាសភាពឯករាជ្យរបស់ គ.ជ.ប ការកែទម្រង់នីតិវិធីបោះឆ្នោត និងការបោះឆ្នោតឡើងវិញ ដើម្បីផ្តល់យុត្តិធម៌ និងសិទ្ធិដល់ប្រជាពលរដ្ឋ។
សេចក្តីថ្លែងការណ៍របស់សមាជិកព្រឹទ្ធសភាគណបក្សសមរង្ស៊ីទាំង ១១រូប ចុះថ្ងៃទី១០ ខែមេសានេះ លើកឡើងថា ក្រុមសមា ជិកព្រឹទ្ធសភាគណបក្សសមរង្ស៊ី ចង់ឃើញរដ្ឋសភាត្រឹមត្រូវពេញលេញ ហើយបញ្ចប់នូវចរឹតសភាឯកបក្ស ដែលសម្រេចបញ្ហាប្រទេសជាតិដោយគណបក្សតែមួយនោះ។
សេចក្តីថ្លែងការណ៍ដដែល បន្តថា សមាជិកព្រឹទ្ធសភាទាំង១១រូប នឹងមិនចូលរួមប្រជុំវិសាមញ្ញ ដែលធ្វើឡើងនៅថ្ងៃទី១១ ខែមេសា ស្អែកនេះ ដើម្បីពិនិត្យផ្តល់យោបល់លើច្បាប់មួយចំនួន ដែលបញ្ជូនដោយរដ្ឋសភាឯកបក្សនេះទេ ហើយទទូចឲ្យគណបក្សនយោបាយឈ្នះអសនៈក្នុងសភាទាំងពីរ ពិភាក្សាបញ្ចប់ជាបន្ទាន់ លើសមាសភាពឯករាជ្យរបស់គណៈកម្មាធិការជាតិរៀបចំការបោះឆ្នោត (គជប) ការកែទម្រង់នីតិវិធីបោះឆ្នោត និងការបោះឆ្នោតឡើងវិញ ដើម្បីផ្តល់យុត្តិធម៌ និងសិទ្ធិដល់ប្រជាពលរដ្ឋគ្រប់រូប។
សេចក្តីថ្លែងការណ៍ ក៏បានស្នើឲ្យគណបក្សទាំងពីរ គឺគណបក្សសង្គ្រោះជាតិ និងគណបក្សប្រជាជនកម្ពុជា តម្កល់ផលប្រយោជន៍ប្រទេស ប្រជាពលរដ្ឋកម្ពុជា ដែលមានស្មារតីកិច្ចព្រមព្រៀងទីក្រុងប៉ារីសឆ្នាំ១៩៩១ ជាគន្លឹះ ដើម្បីសន្តិភាព ស្ថិរភាព និងអភិវឌ្ឍន៍ពិតប្រាកដ៕
No comments:
Post a Comment
yes