លោកនាយករដ្ឋមន្រ្តី ហ៊ុន សែន
លោកនាយករដ្ឋមន្ត្រី ហ៊ុន សែន នៅថ្ងៃព្រហស្បតិ៍នេះ ពន្យល់ថា លោក សម រង្ស៊ី និងលោក កឹម សុខា មិនទាន់បានឯកភាពគ្នាចំណុចព្រមព្រៀងរវាងលោក សម រង្ស៊ី និងរូបលោកក្នុងការសន្ទនាកាលពីថ្ងៃពុធ។
ក្នុងពិធីចែកសញ្ញាបត្រដល់ដល់និស្សិតនៅវិទ្យាស្ថានអប់រំ លោក ហ៊ុន សែន បានចាក់ផ្សាយសំឡេងសន្ទនារយៈពេល៤៤នាទីរវាងលោក និងលោក សម រង្ស៊ី ជាភ័ស្តុតាង ដែលលោកបានថតទុក។ លោកបញ្ជាក់ថា ចំណុចដែលលោកបានពិភាក្សាជាមួយលោក សម រង្ស៊ី គឺមានកំណែទម្រង់ស្ថាប័នការបោះឆ្នោត កំណែទម្រង់ប្រព័ន្ធផ្សព្វផ្សាយ ដែលភាគីទាំងពីរ បានឯកភាព។ លោកបន្តថា ចំណុចមួយទៀតដែលសំខាន់ តែនៅជាបញ្ហា គឺកាលបរិច្ឆេតនៃការបោះឆ្នោតរដ្ឋសភា និងក្រុមប្រឹក្សាឃុំសង្កាត់។
លោក ហ៊ុន សែន ឲ្យដឹងថា លោក បាននិយាយត្រូវគ្នាជាមួយលោក សម រង្ស៊ី ត្រង់ចំណុចថា ការបោះឆ្នោតឃុំសង្កាត់ត្រូវធ្វើឡើងនៅខែកុម្ភៈ ឆ្នាំ២០១៧ និងរដ្ឋសភានៅខែកុម្ភៈដដែលឆ្នាំ២០១៨។ លោកបញ្ជាក់ថា លោក សម រង្ស៊ី បានស្នើសុំពេលពិភាក្សាជាមួយអនុប្រធានគណបក្ស លោក កឹម សុខា តែលោកហ៊ុន សែន ស្នើថា លោកជាប្រធាន
អត្ថបទទាក់ទង
ហេតុអ្វីបានជាមិនអាចសម្រេច។ លោកស្នើឲ្យលោក សម រង្ស៊ី ប្រាប់ទៅលោក កឹម សុខា ថា «កុំឲ្យលោក កឹម សុខា រឹងពេក»។
នៅថ្ងៃនេះ លោក ហ៊ុន សែន បញ្ជាក់ថា ប្រសិនបើមិនមានការឯកភាពគ្នា ដែលនាំឲ្យរាំងស្ទះដល់ការចរចា នេះមិនមែនជាកំហុសរបស់លោក និងលោក សម រង្ស៊ី ទេ គឺកំហុសរបស់លោក កឹម សុខា។
មន្ត្រីជាន់ខ្ពស់គណបក្សសង្គ្រោះជាតិ លោក អេង ឆៃអ៊ាង មានប្រសាសន៍ថា ការដែលនាយករដ្ឋមន្ត្រីយកខ្សែអាត់មកចាក់ជាសាធារណៈបែបនេះគឺ ចំណុចមួយដែលមិនត្រឹមត្រូវ ហើយមិនមានឆន្ទៈពិតប្រាកដក្នុងការដោះស្រាយបញ្ហាប្រទេសជាតិ។ លោកបញ្ជាក់ថា ការចាក់ផ្សាយនេះ គឺធ្វើឡើងក្នុងគោលបំណងបំបែកបំបាក់ថ្នាក់ដឹកនាំគណបក្សសង្គ្រោះជាតិ។ លោកបន្តថា នឹងមិនមានជំនួបកំពូលអ្វីទេ ប្រសិនបើការចរចាក្រៅផ្លូវការ នៅមិនទាន់បានព្រមព្រៀងដោយមានការឯកភាពពីលោក កឹម សុខា «បាទ! ទាល់តែចំនុចដែលមិនទាន់ឯកភាពគ្នានោះ ឲ្យបានឯកភាពគ្នាសិន។ បាទ! ដូចទាក់ទងនឹងពេលវេលានៃការបោះឆ្នោតឡើងវិញ នេះឯងដែលជាចំនុចសំខាន់ ហើយក្រៅពីនេះ បើយើងឯកភាពទៅលើ ចំនុចធំៗអស់ហើយ គឺយើងត្រូវជជែកគ្នាអំពី ពិធីសារមួយទៀត។ ពិធីសារនេះគឺដើម្បីធានា ការអនុវត្តន៍កិច្ចព្រមព្រៀង បើយើងមានតែកិច្ចព្រមព្រៀង ប៉ុន្តែគ្មានពិធីសារបញ្ជាក់ច្បាស់អំពីការអនុវត្តន៍ កិច្ចព្រមព្រៀងនោះទេ ក៏វាទៅមិនរួចដែរ។ ថ្ងៃពេលវេលាសម្រាប់យើងធ្វើកិច្ចការហ្នឹងល្អទាំងអស់ សម្រាប់ផលប្រយោជន៍ប្រទេសជាតិ ផលប្រយោជន៍ប្រជារាស្ត្រ យើងអត់មានថាថ្ងៃណាល្អជាងថ្ងៃណាទេ»។
លោក កឹម សុខា កំពុងធ្វើទស្សនកិច្ចនៅក្រៅប្រទេស។ លោកនឹងត្រឡប់កម្ពុជាវិញ នៅក្រោយពិធីបុណ្យចូលឆ្នាំវិញ។
បន្ទាប់ពីការសន្ទនារបស់លោក ហ៊ុន សែន និងលោក សម រង្ស៊ី មន្ត្រីជាន់ខ្ពស់គណបក្សសង្គ្រោះជាតិ ដែលបានដឹងពីការសន្ទនានេះ លោក អេង ឆៃអ៊ាង មានប្រសាសន៍ថា ការពិភាក្សារវាងថ្នាក់ដឹកនាំទាំងពីរ ផ្តោតទៅលើទី១ ពេលវេលានៃការបោះឆ្នោតឡើងវិញ សម្រាប់ការបោះឆ្នោតជាតិ និងក្រុមប្រឹក្សាឃុំសង្កាត់ ទី២ កំណែទម្រង់គណៈកម្មាធិការជាតិរៀបចំការបោះឆ្នោត ហៅកាត់ថា គ.ជ.ប. និងការកែទម្រង់ប្រព័ន្ធផ្សព្វផ្សាយ៕
បន្ទាប់ពីការសន្ទនារបស់លោក ហ៊ុន សែន និងលោក សម រង្ស៊ី មន្ត្រីជាន់ខ្ពស់គណបក្សសង្គ្រោះជាតិ ដែលបានដឹងពីការសន្ទនានេះ លោក អេង ឆៃអ៊ាង មានប្រសាសន៍ថា ការពិភាក្សារវាងថ្នាក់ដឹកនាំទាំងពីរ ផ្តោតទៅលើទី១ ពេលវេលានៃការបោះឆ្នោតឡើងវិញ សម្រាប់ការបោះឆ្នោតជាតិ និងក្រុមប្រឹក្សាឃុំសង្កាត់ ទី២ កំណែទម្រង់គណៈកម្មាធិការជាតិរៀបចំការបោះឆ្នោត ហៅកាត់ថា គ.ជ.ប. និងការកែទម្រង់ប្រព័ន្ធផ្សព្វផ្សាយ៕
No comments:
Post a Comment
yes