ថ្នាក់ដឹកនាំគណបក្សសង្គ្រោះជាតិចូលរួមសិក្ខាសាលាស្តីពីវិមជ្ឈការវិសហមជ្ឈការនិងសិទ្ធិទទួលបានព័ត៌មាន

 

ថ្នាក់ដឹកនាំគណបក្សសង្គ្រោះជាតិចូលរួមសិក្ខាសាលា

ថ្នាក់ដឹកនាំ​​គណបក្សសង្រ្កោះជាតិ និងសមាជិកព្រឹត្តសភា មកពីគណបក្សសមរង្ស៊ី កាល​ពីរសៀល ថ្ងៃទី៣១ ខែ​​​​​​តុលា ឆ្នាំ២​​​​០១៣ បានអញ្ញើញ​ចូលរួមជាអធិបតេយ្យ នៃសិក្ខា​សិលា​មួយក្រោម​ប្រ​ធាន​បទ ស្តីអំ «ពីវិមជ្ឈការ​​វិសហមជ្ឈការ និងសិទ្ធិទទួលបានព័ត៌មាន»​នៅ​សណ្ឋាគាសាន់វ៉េ  ដែលសិក្ខា​សិលានេះ រៀបចំឡើងដោយ វិទ្យាស្ថានតស៊ូមតិ និងគោល​នយោបាយ ហៅកាន់ថា API  ។

ក្នុងសិក្ខាសិលានោះដែរក៏មានវត្តមានលោកប្រធាន សម រង្ស៊ី ប្រធានគណ​បក្សសង្រ្គោះ​ជាតិ និង​លោកគង់ គាំ ប្រធានគណបក្សសមរង្ស៊ី ហើយលោក ប្រធានសមរង្ស៊ី បានមាន​មតិដោយចាប់​អារម្មណ៏ថា លោកស្វាគមន៏ដែល អង្គការសង្គមស៊ីវិល បានខិតខំ​ប្រឹង​ប្រែង​ធ្វើការបំរើស​សង្គមបាន​យ៉ាងល្អ ជាពិសេសដោយបានធ្វើការអប់រំ និងផ្សព្វផ្សាយ​អំពីការ​គ្រប់គ្រងរដ្ឋតាមប្រពន្ធ័វិមជ្ឈការ និងវិសហមជ្ឈការ ដែលនាំអោយប្រទេសកម្ពុជា ឆ្ពោះទៅ​រករបបលិទ្ធិប្រជាធិបតេយ្យ ពិតប្រាកដ។ ប៉ុន្តែគួរសោកស្តាយ ប្រទេសកម្ពុជា ក្រោមការ​ដឹកនាំរបស់ គណបក្សប្រជាជនកម្ពុជា ប្រពន្ធ័វិមជ្ឈ​ការ និងវិសហមជ្ឈការ គឺមាននៅ​លើតែ​ក្រដាស់តែប៉ុណ្ណោះ ចំណែកការ អនុវត្ថវិញគឺបានតិចតួច​បំផុត ពោលគឺការដឹកនាំ​ប្រទេស​បច្ចុប្បន្ន តាមបែបមជ្ឈការដែលមានន័យថា ការគ្រប់គ្រង​អំណាច​​​នៅ​លើបុគ្គលតែម្នាក់​គឺ​លោកហ៊ុន សែន។

លោកបានបន្តទៀតថា ​ដរាបណាគណបក្សប្រជាជនកម្ពុជា នៅតែបន្តកាន់អំណាច ប្រពន្ធ័​វិមជ្ឈការ មិនអាចមាននៅក្នុងប្រទេសកម្ពុជានោះឡើយ ប៉ុន្តែប្រសិនបើគណបក្ស សង្គ្រោះ​ជាតិ​ជាអ្នកដឹកនាំប្រទេសនោះ ប្រពន្ធ័វិមជ្ឈការ និងវិសហមជ្ឈការ និងអនុវត្តបានយ៉ាង​ពិត​ប្រាកដ នៅថ្នាក់មូលដ្ឋាន ហើយឆាប់រហសថែមទៀតផង។

ជាមួយគ្នានោះលោកប្រធានក៏បានផ្តាំភ្ងើទៀតថា មន្រ្តីនិង​ថ្នាក់​ដឹ​កនាំគណបក្សសង្រ្គោះ​ជាតិ ទាំងអស់ត្រូវតែបន្តកិច្ចខិតខំប្រឹងប្រែងពង្រឹងសម្ថភាពអោយ​បានពេញ​លេញ​ដើម្បី ធ្វើការអភិវឌ្ឍន៏ប្រទេសអោយបានល្អប្រសើ ជាពិសេសមន្ត្រីនៅថ្នាក់មូលដ្ឋាន ត្រូវតែត្រៀម​ខ្លួន​ដើម្បីដឹកនាំឃុំសង្កាត់របស់ខ្លួន ព្រោះការបោះឆ្នោត ជ្រើសរើសឃុំសង្កាត់​នៅពេលខាង​មុខនេះ គណបក្ស​សង្រ្គោះជាតិ និងនាំមុខគណបក្សប្រជាជនកម្ពុជា ជាមិនខាង។

ទទ្ទឹមនិងការលើបានឡើងរបស់លោកប្រធានសមរង្ស៊ី អ្នកជំនាញបានអោយនិយមន័យ នៃវិមជ្ឈការថា គឺជាប្រព័ន្ធមួយ ដែលរដ្ឋកណ្តាល ធ្វើការផ្ទេរអំណាច និងផ្ទេរការទទួលច​ខុសត្រូវ លើកិច្ចការមួយចំនួន​​អោយទៅថ្នាក់មូលដ្ឋាន ចាត់ចែងដើម្បីបម្រើការងារ​នៅ​មូល​ដ្ឋាននោះ។ម្យ៉ាងទៀតសង្គមស៊ីវិលរកឃើញថា ប្រទេសកម្ពុជា​មានបទដ្ឋានគតិយុត្ត ទាក់​ទងនឹង ​​ប្រពន្ធ័វិមជ្ឈការ វិសហមជ្ឈការជាច្រើន ប៉ុន្តែសំរាប់ការអនុវត្តន៏ស្ទើតែគ្មាន មាន​ន័យ​ថា មន្រ្តីថ្នាក់ក្រោមជាតិ ភាគច្រើនមិនបានយល់ដឹកអំពីច្បាប់ និងមិនហានប្រើ​ប្រាស់​បុព្វសិទិ្ធរបស់ខ្លួន ដែលជាអាជ្ញាធរ ស្វ័យសម្រេចនៅឡើយទេ ដោយមានការភ័យខ្លាច​ពី​មន្រី្តថ្នាក់លើ។ ដែលបញ្ហានេះនាំអោយ មូលដ្ឋានមានការអភិវឌ្ឍយឺតយ៉ាវ។

​ចំណែកឯលោកស៊ុន ឆ័យ ជាបេក្ខជនតំណាងរាស្រ្តជាប់ឆ្នោត ក៏បានធ្វើបទបង្ហាញពីអំ​សេចក្តីព្រាងច្បាស់ស្តីពី សិទ្ធិទទួលបានព័ត៌មានផងដែរ ដោយលោកបានលើកឡើងថា ច្បាប់នេះគឺមានសារះសំខាន់ណាស់ ព្រោះវាអាច ធ្វើអោយមានតម្លាភាពរវាងក្រុមអ្ន​កកាន់​អំណាច អ្នកតំណាងរាស្រ្ត និងប្រជាពលរដ្ឋ លោកបានបន្ត ថា គណប្សសង្គ្រោះជាតិ​និង ខិតខំជំរុញបង្តើតច្បាប់ស្តីពីសិទ្ធិទទួលបានព័ត៌មាន អោយបានឆាប់រហ័សបំផុត តាមដែល​អាចធ្វើទៅបាន។

​

សូមបញ្ជាថា លោកគង់ គាំ ប្រធានគណបក្សសមរង្ស៊ី ដែលមានវត្តនៅទីនោះផងដែរ បាន​លើកឡើងដោយបញ្ចប់អង្គសិក្ខាសិលាថា ដើម្បីអោយមានការ អនុវត្តន៏បានពេញលេញ​នៅ ប្រពន្ធ័វិមជ្ឈការ វិសហមជ្ឈការ ច្បាប់ស្តីពីសិទ្ធិទទួលបានព័ត៌អាចអនុម័តអោយប្រើ បានលុះត្រាតែអ្នកដឹកនាំមានឆន្ទះចង់ធ្វើ ហើយគណបក្សប្រជាជន​ មិនអាចធ្វើបាន​ទេ​ព្រោះពួកគេគ្មានឆន្ទះ ប៉ុន្តែគណបក្សសង្រ្គោះជាតិគឺមានឆន្ទះយ៉ាងច្បាស់លាស់​​អាចធ្វើ​បាន​ ប្រសិនបើគណបក្សសង្រ្គោះជាតិដឹកនាំរដ្ឋាភិបាល ៕