នាយកុយកំពុងសម្តែងនៅលើឆាកប្រគុំតន្ត្រី
រាជធានីភ្នំពេញ ៖ លោក ជួង ជី ហៅនាយកុយ បានពង្រីកអាជីពរបស់ខ្លួនឱ្យកាន់តែធំឡើងដោយនាយរៀបចំឆាកប្រគំតន្ត្រីធំជាងគេនៅក្នុងព្រះរាជាណាចក្រកម្ពុជា ដោយដាក់ឈ្មោះថា «តន្ត្រីនាយកុយ» ។ នាយកុយឱ្យដឹងថាក្រុមតន្ត្រីរបស់នាយមិនត្រឹមតែមានឆាកធំទូលាយ ភ្លើងពណ៌ទំនើបៗទេ គឺមានក្រុមតន្ត្រីករ តារាចម្រៀង តារាកំប្លែង មានកេរ្តិ៍ឈ្មោះល្បីៗជាច្រើនរូបចូលរួមសម្តែង និងប្រគំជូនប្រិយមិត្តទស្សនិកជនទស្សនាកម្សាន្ត។
សព្វថ្ងៃក្រុមតន្ត្រីរបស់នាយកំពុងតែមមាញឹកក្នុងការចេញសម្តែងនៅតាមបណ្តាខេត្ត-ក្រុងនានានៅទូទាំងព្រះរាជាណាចក្រកម្ពុជា។ កន្លងមកនាយកុយបានបណ្តុះបណ្តាលកូនៗរបស់ខ្លួនឱ្យក្លាយជាអ្នកចម្រៀង និងអ្នករាំដោយដាក់ឈ្មោះថា «ក្រុមដែកឆក់» ប៉ុន្តែចេញសម្តែងនៅលើឆាកប្រគំតន្ត្រីតាមស្ថានីយទូរទស្សន៍នានាប្រហែល២ឆ្នាំប៉ុណ្ណោះ កាលពីអំឡុងឆ្នាំ២០០៣-២០០៤ ក៏បាត់ «តទៅទំព័រទី11...»មុខទៅវិញ ។ ការបាត់មុខក្រុមរាំដែកឆក់នោះ នាយកុយឱ្យដឹងថា កូនៗរបស់គាត់បានរៀបការមានប្តី មានប្រពន្ធ កូន ហើយពួកគេចេញប្រកបមុខរបរលក់ដូររៀងៗខ្លួនអស់ហើយ ដូច្នេះមិនចង់ប្រកបរបរសិល្បៈដូចឪពុកទេ ។
នាយកុយថ្លែងថា សព្វថ្ងៃទោះបីជានាយមានវ័យចំណាស់បន្តិចហើយក៏ដោយ តែនៅតែស្រលាញ់សិល្បៈ និងនៅតែមានប្រិយមិត្ត ទស្សនិកជនគាំទ្រច្រើន ។ ទោះជាយ៉ាងណាក្តី នាយពង្រីករបរដោយបង្កើតឆាកប្រគំតន្ត្រីសម្រាប់ចេញសម្តែងនៅតាមបណ្តាខេត្ត-ក្រុងនានាទៀត ។ នាយទិញភ្លើងពណ៌ទំនើបៗ ធំៗ ដែលនៅព្រះរាជាណាចក្រកម្ពុជាពុំទាន់មានក្រុមណាមួយមានទេ ។
ក្រុមកំប្លែងរបស់នាយកុយ ថ្វីបើគេសង្កេតឃើញសម្តែងនៅលើឆាកប្រគំតន្ត្រីចុងសប្តាហ៍តាមស្ថានីយទូរទស្សន៍នានាជាញឹកញាប់បង្កើតភាពសើចក្អាកក្អាយជូនប្រិយមិត្តទស្សនិកជន តែគេនៅតែគាំទ្រក្រុមនាយមិនជិនណាយទេ។ ពេលបាត់មុខនាយកុយម្តងម្កាល ប្រិយមិត្តទស្សនិកជនតែងតែសួររក ហើយនាយកុយ និយាយថា ដោយសារតែនាយជាប់រវល់ចេញច្រៀងកាត់សក់ក្នុងពិធីមង្គលការ ឬសម្តែងកំប្លែង និងដឹកនាំក្រុមសម្តែងតាមខេត្ត ៕
No comments:
Post a Comment
yes