ភ្នំពេញ ៖ ការជួញដូរផ្លូវភេទ គឺជាបទឧក្រិដ្ឋ ហើយច្បាប់មិនអនុញ្ញាតឱ្យបុគ្គលរូបណាធ្វើអាជីវកម្មក្នុងនោះអ្នក ដែលបានប្រព្រឹត្ដតែងប្រឈមនឹងការផ្ដន្ទាទោសដាក់ពន្ធនាគារ បន្ទាប់ពីសមត្ថកិច្ចស៊ើបដឹងនិងទទួលភស្ដុតាងថា ទីតាំងសណ្ឋាគារឬបុគ្គលណាដែលបើកអាជីវកម្មសេវាផ្លូវភេទនេះ ។
ទីតាំងសណ្ឋាគារឡាក់ស្ទឺរីវើលដែលស្ថិតនៅផ្លូវ២០០ សង្កាត់បឹងរាំង ខណ្ឌដូនពេញ ត្រូវបានគេអះអាងថា មានសេវាបម្រើផ្លូវភេទ ប៉ុន្ដែជ្រកក្រោមរូប ភាពសេវាម៉ាស្សា ។ នេះបើតាមការបញ្ជាក់ពីក្រុមបុរសមួយចំនួនដែលធ្លាប់ទៅភ្លក្សម្ហូបក្រៅផ្ទះនៅទីនោះ ។
ក្រុមបុរសៗបានបញ្ជាក់ពីអំនួតដែលពួកគេធ្លាប់ទៅទីនោះ ថាពិតជាមាននារីៗ ស្រស់ស្អាតទាំងខ្មែរនិងជនជាតិវៀតណាម បើទោះជានៅក្នុងទីតាំងសណ្ឋាគារនេះ បិទការហាមមិនឱ្យការរួមភេទ, ការប្រើប្រាស់គ្រឿងញៀន ប៉ុន្ដែសេវារួមភេទមានតម្លៃពី៣០ទៅ៤០ដុល្លារ តាមការឯកភាពគ្នាផ្ទាល់មាត់រវាងបុរសចង់ភ្លក្ស ម្ហូបនិងនារីបម្រើសេវាម៉ាស្សានោះ ។
លោក សុខ សម្បត្ដិ អភិបាលនៃគណៈអភិបាលខណ្ឌដូនពេញបានមានប្រសាសន៍ថា លោកបានឱ្យម្ចាស់សណ្ឋាគារនេះមកធ្វើកិច្ចសន្យារួចរាល់ហើយ បន្ទាប់ពីលេចឮថាមានសេវាបម្រើផ្លូវភេទ ។
លោកបន្ដថា ជំហានដំបូងបើមានការដាក់ភាពសង្ស័យទៅលើសណ្ឋាគារណាមួយដូចអ្វីដែលគេរិះគន់រឿងសេវា ផ្លូវភេទប៉ះពាល់ក្នុងសង្គមត្រូវតែឱ្យម្ចាស់សណ្ឋាគារមកធ្វើកិច្ចសន្យានិងទទួលខុស ត្រូវតាមផ្លូវច្បាប់ ។
លោក កែវ ធា ប្រធានការិយាល័យនគរបាលប្រឆាំងការជួញដូរផ្លូវភេទនិងការពារអនីតិជននៃស្នងការដ្ឋាននគរបាលរាជធានីភ្នំពេញពាក់ព័ន្ធនិងសណ្ឋាគារឡាក់ស្ទឺរីវើលមានបម្រើសេវាផ្លូវភេទនោះ បានឱ្យនគរវត្ដដឹងតាមទូរស័ព្ទថា រឿងនេះលោកធ្លាប់ឱ្យមន្ដ្រីទៅសហការជាមួយអភិបាលខណ្ឌដូនពេញ ក្នុងនោះ ក៏មានការចូលរួមពីថ្នាក់ក្រុងផងដែរ ដើម្បីឱ្យម្ចាស់សណ្ឋាគារមកធ្វើកិច្ចសន្យា ប៉ុន្ដែលោក កែវ ធា មិនបានបញ្ជាក់ថា តើនឹងមានវិធានការបែបណាខ្លះចំពោះ ទីតាំងដែលលួចបើកបម្រើសេវាផ្លូវភេទបែបនេះ ។
មន្ដ្រីមូលដ្ឋានខ្លះបានធ្លោយផងដែរថា វត្ដមានរបស់មន្ដ្រីនគរបាលរបស់លោក កែវ ធា ចាប់ផ្ដើមចេញមុខប្រមូល ប្រយោជន៍ពីទីតាំងម៉ាស្សាដែលមាន បង្កប់ខាងបម្រើសេវាផ្លូវភេទ បន្ទាប់ពី ស្ងាត់ស្ងៀមមួយរយៈ ដែលលោកកែវ ធា ធ្លាប់មានរឿងរ៉ាវបែបនេះកន្លងទៅនៅ តុលាការ ពាក់ព័ន្ធអំពើពុករលួយ ។
ម្ចាស់សណ្ឋាគារឡាក់ស្ទឺរីវើលឱ្យនគរ វត្ដដឹងតាមទូរស័ព្ទកាលពីព្រឹកថ្ងៃទី១៤ ខែកក្កដា ឆ្នាំ២០១២ថា សណ្ឋាគាររបស់ លោកមិនមានសេវាបែបនេះទេ ពីព្រោះ លោកបានសរសេរបិទប្រកាសហាមមិន ឱ្យបម្រើផ្លូវភេទ ប្រើប្រាស់គ្រឿងញៀន ប៉ុន្ដែនៅក្នុងសណ្ឋាគារបើភ្ញៀវគេប្រព្រឹត្ដ អំពើអ្វីផ្សេងជាសិទ្ធិរបស់គេ ។ លោកបន្ដ ថា បើទោះជាសណ្ឋាគារនេះមិនបើក សេវាផ្លូវភេទក៏ដោយ ប៉ុន្ដែលោកមិន ចង់ឱ្យអាជ្ញាធរ សមត្ថកិច្ចពាក់ព័ន្ធដាក់ ភាពសង្ស័យនិងក៏មិនឱ្យមានការផ្សព្វ ផ្សាយ ដូច្នេះអ្វីដែលបើកអាជីវកម្មនេះ សុទ្ធតែជាអំពើមិនខុសច្បាប់ ។
ការជួញដូរផ្លូវភេទ គឺជាបទល្មើស ឧក្រិដ្ឋក្នុងនោះ អ្នកច្បាប់ក៏បានលើកឡើង ផងដែរថា យោងតាមមាត្រា២៨៤ បទ សញ្ចារកម្ម ក្រមព្រហ្មទណ្ឌនៃព្រះរាជា ណាចក្រកម្ពុជាបានបញ្ជាក់ថា ការទាញ យកអត្ថប្រយោជន៍ហិរញ្ញវត្ថុពីអំពើ ពេស្យាចាររបស់អ្នកដទៃ, ជួយឬការពារ អំពើពេស្យាចាររបស់អ្នកដទៃ ឬរៀបចំ តាមគ្រប់មធ្យោបាយនូវសកម្មភាព ពេស្យាចារ ។ ជ្រើសរើស ពង្រត់ ឬអូស ទាញបុគ្គលណាមួយឱ្យធ្វើអំពើពេស្យាចារ។ ធ្វើការគាបសង្កត់លើបុគ្គលណាមួយ ដើម្បីឱ្យបុគ្គលនោះធ្វើពេស្យាចារ ។ សញ្ចារកម្ម ត្រូវផ្ដន្ទាទោដាក់ពន្ធនាគារ ពី២ឆ្នាំទៅ៥ឆ្នាំ និងពិន័យជាប្រាក់៤លានរៀលទៅ១០លានរៀល ។
អ្នកច្បាប់បន្ដថា កន្លងទៅម្ចាស់សណ្ឋា គារឆាយហួរ២ ធ្លាប់បានជាប់ពន្ធនាគារ ដោយការធ្វើអាជីវកម្មបែបនេះ ដូច្នេះ អាជ្ញាធរនិងសមត្ថកិច្ចជំនាញ គួរដាក់ភាពសង្ស័យ ឬចាត់ទុកជាកម្មវត្ថុក្នុង កម្រិតណាមួយ ស៊ើបអង្កេតពីទីតាំងសណ្ឋាគារឡាក់ស្ទឺរីវើលនេះ ពិតជាមានបើកបម្រើសេវាផ្លូវភេទតាមរយៈការបើកសេវាម៉ាស្សានេះឬមួយយ៉ាងណា? ម្យ៉ាងវិញទៀត លេចឮព័ត៌មានផងដែរថា ម្ចាស់សណ្ឋាគារនេះ មានខ្នងបង្អែក ក្រាស ប៉ុន្ដែគេមិនជឿថា អ្នកធំអាចមកពាក់ព័ន្ធនិងបទជួញដូរផ្លូវភេទ ដែលជាបទឧក្រិដ្ឋនោះទេ៕
No comments:
Post a Comment
yes