សូមស្វាគមន៏ការចូលមកកាន់គេហទំព័ររបស់យើងខ្ញុំ​!!!​Welcome to ckn-media.blogspot.com Website !!!​គេហទំព័រ ckn-media.blogspot.com ផ្តល់ព័ត៌មានពិតឥតលំអៀង រហ័សទាន់ចិត្ត ដែលលោកអ្នកជឿទុកចិត្ត / លោកអ្នកអាចទាក់ទងមកកាន់គេហទំព័ររបស់យើងខ្ញុំបានតាមរយៈ Email: cknkhmer@gmail.com សូមអរគុណ !!!

Tuesday, January 17, 2012

លោក រ៉ុងឈុន ស្នើឲ្យរដ្ឋមន្រ្តីក្រសួងអប់រំ យុវជន និងកីឡា ធ្វើការដោះស្រាយចំពោះបញ្ហាប្រឈមក្នុងវិស័យអប់រំ



រាជធានីភ្នំពេញ ថ្ងៃទី១៧ ខែមករា ឆ្នាំ ២០១២

សូមគោរពជូន
ឯកឧត្តម អ៊ឹម សិទ្ធី
រដ្ឋមន្រ្តីក្រសួងអប់រំយុវជន និងកីឡា

កម្មវត្ថុៈ   សំណើសុំឲ្យមានវិធានការ និងដំណោះស្រាយចំពោះបញ្ហាប្រឈមក្នុងវិស័យអប់រំ។
យោងៈ    របាយការណ៍ចុះថ្ងៃទី ២៧ ខែ ធ្នូ ឆ្នាំ ២០១១។​
               តបតាមកម្មវត្ថុ និងយោងខាងលើ ខ្ញុំមានកិត្តិយស សូមជម្រាបឯកឧត្តម មេត្តាជ្រាបថាៈ សមាគមគ្រូបង្រៀនកម្ពុជាឯករាជ្យ បានរៀបចំសិក្ខាសាលាមួយស្តីពី វគ្គបណ្ដុះបណ្ដាលការតស៊ូ- មតិសម្រាប់គ្រូឧទ្ទេស មានរយៈពេលបីថ្ងៃ កាលពីថ្ងៃទី ២៣​-២៥ ខែធ្នូ ឆ្នាំ​២០១១ នៅរាជធានី ភ្នំពេញ។​ សិក្ខាសាលានេះ មានអ្នកចូលរួមចំនួន ៤៥នាក់ តំណាងគ្រូបង្រៀនមកពី ១៨ខេត្ត-ក្រុង។
           សិក្ខាសាលារយៈពេលបីថ្ងៃនេះ បានរកឃើញនូវបញ្ហាប្រឈមចំពោះគ្រូបង្រៀន និងវិស័យ អប់រំ ដែលមាន១៥ករណី បានលើកឡើងនៅក្នុងរបាយការណ៍ភ្ជាប់ជាមួយនេះ។ ចំពោះករណី នីមួយៗដែលធ្វើឲ្យដំណើរការអប់រំធ្លាក់ចុះ គ្មានគុណភាព និងការបង្រៀនរបស់លោកគ្រូ អ្នកគ្រូ​មិនបានល្អ។
           សេចក្ដីដូចបានគោរព និងជម្រាបជូនខាងលើនេះ សូមឯកឧត្តម​ពិនិត្យចំពោះ​ករណីប្រឈ​ម​​ដែលគ្រូ​បង្រៀនបានលើកឡើងនៅក្នុងរបាយការណ៍ និងដោះស្រាយ ដោយអនុគ្រោះ។
           សូមឯកឧត្តម ទទួលការគោរពដ៏ខ្ពង់ខ្ពស់អំពីខ្ញុំ។
                                                                                                                       
                                                                                                                        ប្រធាន
ចម្លងជូនៈ
-ខុទ្ទកាល័យនាយករដ្ឋមន្រ្តី
-ស្ថានទូតនានាប្រចាំនៅកម្ពុជា
-អង្គការក្រៅរដ្ឋាភិបាលនានានៅកម្ពុជា
-ឯកសារ កាលប្បវត្តិ



របាយការណ៍
អំពីសិក្ខាសាលាស្ដីពី
"វគ្គបណ្ដុះបណ្ដាលការតស៊ូមតិសម្រាប់គ្រូឧទ្ទេស"

          នៅថ្ងៃទី២៣-២៥ ខែធ្នូ ឆ្នាំ២០១១ សមាគមគ្រូបង្រៀនកម្ពុជាឯករាជ្យ បានរៀបចំសិក្ខា​សាលា​ស្ដីពី"វគ្គបណ្ដុះបណ្ដាលការតស៊ូមតិសម្រាប់គ្រូឧទ្ទេស" មានរយៈពេល៣ថ្ងៃ ក្រោម​អធិ​ប​តី​-ភាព​លោកប្រធានសមាគមគ្រូបង្រៀនកម្ពុជាឯករាជ្យ។

          សិក្ខាសាលានេះ មានការអញ្ជើញចូលរួមពីតំណាងសមាគមខេត្ត-ក្រុង ចំនួន១៨​ខេត្ត​ក្រុង ថ្នាក់ដឹកនាំសមាគម តំណាងអង្គការពលកម្មអន្តរជាតិ និងអ្នកជំនាញ​ខាងតស៊ូមតិ សរុប​មាន​​​ចំនួន៤៥នាក់​ ហើយសិក្ខាសាលា បានប្រព្រឹត្តទៅតាមរបៀបវារៈរបស់ខ្លួន ក្នុងនោះ​អង្គ​សិក្ខា​-សាលាបានចែកសិក្ខាកាមជាក្រុមៗ ដើម្បីពិភាក្សារកឱ្យឃើញនូវបញ្ហាប្រឈមក្នុងវិស័យអប់រំ និងគ្រូបង្រៀននាពេលបច្ចុប្បន្ននេះ។

          ក្រុមពិភាក្សានីមួយៗបានកំណត់បញ្ហាប្រឈមចំពោះគ្រូបង្រៀន និងក្នុងវិស័យអប់រំ ដែល​​​​មានករណីជាច្រើនចំណុចរបស់ក្រុមនីមួយៗ ហើយសមាគមច្របាច់​បញ្ចូលគ្នានូវ​បញ្ហា​ប្រឈម ដែលលោកគ្រូ-អ្នកគ្រូបានលើកឡើងតាមក្រុមពិភាក្សាមានដូចខាងក្រោមៈ

          ១- ប្រាក់បៀវត្សរ៍ មានកម្រិតទាប
          ២- គុណភាពអប់រំ ស្រុតចុះខ្លាំង
          ៣- អំពើពុករលួយ ក្នុងវិស័យអប់រំ និងសង្គម(ពេលប្រឡង និងប្រាក់PB)
          ៤- បក្សពួកនិយម ក្នុងការតែងតាំងមុខតំណែង ឬឋានន្តរសក្ដិ ដំឡើងកាំប្រាក់
               និងដំឡើងកម្រិត
          ៥- សិស្សបោះបង់ការសិក្សា សិស្សអវត្តមានច្រើន
          ៦- នាយកសាលាភាគច្រើនធ្វើការ​គ្មានវិមជ្ឈការ និងទទួលឥទ្ធិពលពីគណបក្សកាន់​
               អំណាច​​យកមកអនុវត្ត
          ៧-ខ្វះខាតសៀវភៅសម្រាប់សិស្ស គ្រូបង្រៀន និងសម្ភារៈសិក្សា
          ៨- បញ្ជូនគ្រូទៅធ្វើការនៅតំបន់ដាច់ស្រយាលគ្មានកន្លែងស្នាក់នៅ
          ៩- គ្រូបង្រៀនមានមុខរបរទី២
          ១០- ខ្វះគ្រូបង្រៀនៅតាមតំបន់ដាច់ស្រយាល
          ១១-មានការបំភិតបំភ័យដល់លោកគ្រូអ្នកគ្រូ ចូលជាសមាជិកសមាគម និងរើសអើងដល់​
                សមាជិកសមាគម (CITA) ពីគណៈគ្រប់គ្រងសាលា និងអាជ្ញាធរមូលដ្ឋាន​
                មួយចំនួនធំ
          ១២- ច្បាប់ស្ដីពីការអប់រំ មិនមានចែកជូនគ្រូបង្រៀនឱ្យបានទូលំទូលាយ
          ១៣- បើកប្រាក់ខែ និងប្រាក់ម៉ោងបន្ថែមមានការយឺតយ៉ាវ
          ១៤- មានការកាត់ប្រាក់ខែ នៅពេលបើកម្ដងៗ

          ១៥- នៅតាមមន្ទីរអប់រំខេត្ត-ក្រុង យកលុយពីគ្រូបង្រៀន ពេលសុំផ្លាស់ប្ដូរកន្លែងធ្វើការ។
          អង្គសិក្ខាកាមទាំងអស់ បានកំណត់បញ្ហាប្រឈមក្នុងវិស័យអប់រំ និងជាមួយគ្រូបង្រៀន​មាន​ចំនួន​១៥ករណី នាំឱ្យប៉ះពាល់ដល់គុណភាពអប់រំ និងកិត្តិយសសេចក្ដីថ្លៃថ្នូររបស់​គ្រូបង្រៀន​។ តំណាង​​គ្រូបង្រៀនទាំង១៨ខេត្ត-ក្រុង បានចូលរួម​វគ្គ​​បណ្ដុះបណ្ដាលនេះ សូមឱ្យរាជ​រដ្ឋា​ភិបាល​កម្ពុជា​ទទួលខុសត្រូវខ្ពស់ ចំពោះ​បញ្ហាប្រឈម​ទាំងអស់​នេះ និងត្រូវផ្ដល់ដំណោះ​ស្រាយ​ឱ្យ​បាន​ទាន់​ពេលវេលា ដើម្បីដំណើរការអប់រំបាន​ប្រសើរ​ឡើង។

                                                                ​    ​              រាជធានីភ្នំពេញ ថ្ងៃទី២៧ ខែធ្នូ ឆ្នាំ២០១១
                                                                                                                 អ្នកកត់ត្រា
        


                                                                                                               ម៉ៃ សុភ័ត្ត្រា

No comments:

Post a Comment

yes