សូមស្វាគមន៏ការចូលមកកាន់គេហទំព័ររបស់យើងខ្ញុំ​!!!​Welcome to ckn-media.blogspot.com Website !!!​គេហទំព័រ ckn-media.blogspot.com ផ្តល់ព័ត៌មានពិតឥតលំអៀង រហ័សទាន់ចិត្ត ដែលលោកអ្នកជឿទុកចិត្ត / លោកអ្នកអាចទាក់ទងមកកាន់គេហទំព័ររបស់យើងខ្ញុំបានតាមរយៈ Email: cknkhmer@gmail.com សូមអរគុណ !!!

សូមទស្សនាការផ្សាយផ្ទាល់ពីសកម្មភាពថ្នាក់ដឹកនាំរបស់គណបក្សសង្គ្រោះជាតិ



Wednesday, April 23, 2014

ពលរដ្ឋ​នៅ​ស្រុក​ម៉ាឡៃតវ៉ា​ឲ្យ​អាជ្ញាធរ​ខេត្ត​បន្ទាយមានជ័​យដោះលែង​តំណាង​របស់​ខ្លួន​​

ពលរដ្ឋ​នៅ​ស្រុក​ម៉ាឡៃ នៅថ្ងៃពុធនេះ ប្រមូលផ្តុំគ្នាតវ៉ានៅមុខ
សាលាខេត្ត(រូបថតដោយឡុង គឹមហឿន)

ប្រជាពលរដ្ឋ​ប្រមាណ​៨០​នាក់ នៅ​ភូមិ​អូរ​អំពិល ឃុំ​ទូល​ពង្រ ស្រុក​ម៉ាឡៃ នៅ​ថ្ងៃ​ពុធ​នេះ តវ៉ា​ខាងមុខ​សាលាខេត្ត​បន្ទាយមានជ័យ ដើម្បី​ទាមទារ​ឲ្យ​អាជ្ញាធរ ដោះស្រាយ​បញ្ហា​ដីធ្លី និង​ដោះលែង​តំណាង​របស់​ខ្លួន​២​នាក់ ដែល​ត្រូវបាន​ចាប់ខ្លួន កាលពី​ថ្ងៃ​អង្គារ​។​

​ប្រជាពលរដ្ឋ​ដែល​តវ៉ា ឲ្យដឹងថា តំណាង​២​នាក់​ដែល​ត្រូវបាន​ចាប់ខ្លួន​នោះ រួមមាន លោក ហឿន វី អាយុ ៥៣ឆ្នាំ និង​លោក លី ខ្លី អាយុ ៤៣ឆ្នាំ ដែល​ជា​អតីត​ទាហាន​តស៊ូ​នៅ​សម័យ​ខ្មែរក្រហម​។ ​ពួកគាត់ ត្រូវបាន​ចាប់ខ្លួន ដោយសារ​អាជ្ញាធរ ចោទថា​បាន​ញុះញង់​ពលរដ្ឋ ឲ្យទៅ​យក​ដី​របស់​ក្រុមហ៊ុន​។​

​ប្រជាពលរដ្ឋ ដែល​ចូលរួម​ការតវ៉ា អ្នកស្រី អ៊ិត សាវឿន អាយុ ៥៦​ឆ្នាំ ស្នើឲ្យ​អាជ្ញាធរ​ដោះលែង​តំណាង​របស់ខ្លួ​ន និង​ជួយ​ដោះស្រាយ​ជម្លោះ​ដីធ្លី​របស់​ពួកគាត់​។

លេខ​កូដ​សម្ងាត់​សន្តិសុខ​បាត់បង្ក​ឲ្យ​មាន​ភាព​ជ្រួលច្របល់​នៅ​អាកាសយានដ្ឋាន​ជប៉ុន​នៅ​មួយថ្ងៃ​មុន​អូ​បា​ម៉ាមកដល់​

អាកាសយានដ្ឋាន​ Haneda ​ក្នុង​ទីក្រុង​តូ​ក្យូ

មន្ត្រី​ ម្នាក់​បាន​និយាយថា ក្រុម​អាជ្ញាធរ​អាកាសយានដ្ឋាន​នៅ​ប្រទេស​ជប៉ុន បានធ្វើ​ឲ្យ​មាន​ភាពច្របូកច្របល់​ភា្ល​មៗ ដោយបាន​ផ្លាស់ប្តូរ​លេខ​កូដ​សម្ងាត់​សន្តិសុខ​មួយថ្ងៃ​មុន​ការមកដល់​របស់​ ប្រធានាធិបតី​អាមេរិក លោក បា​រ៉ា​ក អូ​បា​ម៉ា បន្ទាប់ពី​បុគ្គលិក​ក្រុមហ៊ុន​អាកាសចរណ៍​ម្នាក់​បានធ្វើ​ឲ្យ​ជ្រុះ​បាត់​ កំណត់ហេតុ​ដែលមាន​កត់​ត្រា​សេចក្តីលម្អិត​អំពី​លេខ​កូដ​សម្ងាត់​សន្តិសុខ​ នោះ​។ ​ដំណឹង​នេះ​បានកើត​ឡើង ស្រប​ពេលដែល​សន្តិសុខ​នៅ​ទីក្រុង​តូ​ក្យូ បាន​បង្កើន​បុគ្គលិក​សន្តិសុខ​ដល់​ទៅ​១៦.០០០​នាក់​ដើម្បី​ត្រៀម​ជាមុន​ សម្រាប់​ដំណើរ​ទស្សនកិច្ច​ផ្លូវរដ្ឋ​របស់លោក បា​រ៉ា​ក់ អូ​បា​ម៉ា ដែលជា​ទស្សនកិច្ច​រប​ស់​ប្រធានាធិបតី​អាមេរិក ទើប​មាន​ក្នុង​រយៈពេល​២០​ឆ្នាំ​ចុង​ក្រោយនេះ​។​

​មន្ត្រី​ក្រសួង​ ដឹកជញ្ជូន​ម្នាក់​បាន​និយាយថា បុគ្គលិក​ម្នាក់​នៃ​ក្រុមហ៊ុន​អាកាសចរណ៍ Skymark នៅ​អាកាសយានដ្ឋាន Haneda ក្នុង​ទីក្រុង​តូ​ក្យូ បាន​បាត់​ក្រដាស​កំណត់ត្រា​លេខ​កូដ​សន្តិសុខ​មួយ​សន្លឹក​កាលពី​ថ្ងៃត្រង់​ ថ្ងៃអាទិត្យ ។​

អតីត​តួម្តាយ​កាចឆ្នាស​ឆ្នើម​ក្នុង​ទសវត្សរ៍ឆ្នាំ​៩០អ្នក​ស្រីឌឿដារ៉ាស៊ីទទួល​មរណ​ភាព​ក្នុង​អាយុ​៦៨​​ឆ្នាំ


អតីត​តារា​សម្តែង​តួម្តាយ​កាច​ឆ្នាស​ឆ្នើម​ក្នុង​ ទសវត្សរ៍​​ឆ្នាំ​៩០ អ្នក​ស្រី ឌឿ ដារ៉ាស៊ី បាន​ទទួល​មរណ​ភាព​ហើយ​ក្នុង​អាយុ​៦៧​ឆ្នាំ ដោយ​សារ​ជំងឺ​គាំង​បេះដូង និង​ពុក​ឆ្អឹង​ កាល​ពី​ថ្ងៃ​ទី​​២០ មេសា ២០១៤ វេលាម៉ោង​៧​និង​២០​​នាទី​យប់ នៅ​ក្នុង​គេហ​ដ្ឋាន​របស់​អ្នក​ស្រី ស្ថិត​​ក្នុង​សង្កាត់​ភ្នំពេញ​​ថ្មី ​ខាង​ក្រោយ​ផ្សារ​ដីហុយ ។

ដំណឹង​​ពី​មរណភាព​របស់​អតីត​តារា​សម្តែង​រូប​នេះ ត្រូវបាន​ប្រធាន​សមា​គមសិល្ប​ករ​ខ្មែរ លោក​សុះ ម៉ាច បាន​ផ្សព្វ​ផ្សាយ​ជា​សាធារណៈ​តាម​បណ្តាញ​សង្គម​ហ្វេសប៊ុក ដើម្បី​ជា​ការ​ផ្តល់​ដំណឹង​ដល់​សាធារណ​ជន​ ជា​ពិសេស​សិល្ប​ករ​ខ្មែរ​បាន​ជ្រាប​ជាព័ត៌​មាន ។

ក្នុង​សារ​ដែល​បាន​បង្ហោះ ប្រធាន​សមា​គម​សិល្ប​ករ​ខ្មែរ​ លោក​សុះ ម៉ាច បាន​សរសេរ​ថា អតីត​តារា​សម្តែង​ជា​តួ​​ម្តាយ​កាច​ឆ្នាស​ឆ្នើម​អ្នកស្រី ឌឿ ដារ៉ាស៊ី បាន​ទទួល​មរណ​ភាព​ កាល​ពី​ល្ងាចថ្ងៃ​អាទិត្យ កន្លង​ទៅ ដោយសារ​ជំងឺ​គាំងបេះដូង ខណៈ​ជំងឺ​ពុកឆ្អឹង​គ្រូពេទ្យ​អស់​លទ្ធ​ភាព​ព្យាបាល ។

តុលាការ​ធម្មនុញ្ញ​ថៃ​ទុក​ពេល​ឲ្យ​លោកស្រី​យី​ង​ឡាក់ចំនួន១៥ថៃ្ងទៀត​

លោកស្រី យីង ឡាក់ នាយករដ្ឋមន្ត្រីចាំផ្ទះ នៃរាជាណាចក្រថៃ 
(រូបថតពី៖ thetimes.co)

តុលាការ​ធ​ម្មនុ​ញ្ញរាជាណាចក្រ​ថៃ​ នៅ​ថ្ងៃ​ពុធ​នេះ​ ទុក​ពេល​ឲ្យលោកស្រី យី​ង​ឡាក់ នាយករដ្ឋមន្ត្រី​ចាំផ្ទះ មានពេលវេលា ១៥ថ្ងៃ​ទៀត ដើម្បីមក​ការពារ​ខ្លួន​ផ្ទាល់ ករណីលោកស្រី ដកហូតតំ ណែង ប្រធាន​ក្រុមប្រឹក្សាសន្តិសុខ​ជាតិ​ថៃ ដែលរំលោភ​រដ្ឋធម្មនុញ្ញ។​
 
​តាម​គម្រោងលោកស្រី យី​ង​ឡាក់ នឹង​ឡើងទៅ​​ការពារ​ក្ដី នៅ​ថ្ងៃ​សុក្រ​សប្ដាហ៍​មុននេះ ប៉ុន្តែលោក ស្រី បានបញ្ចូនក្រុម​មេធាវី ដើម្បី​ដាក់​ឯកសារ​សារ​ណាការពារ​ក្ដី ហើយ​ស្នើសុំពន្យារការឡើង​បំភ្លឺ ដោយសារតែលោកស្រី ជាប់រង្វល់ ហើយ​ត្រូវពេលវេលា​ថែមទៀត ក្នុង​ការរៀបចំ​ឯកសា​រ​ពាក់ព័ន្ធ។​

​យោងតាម មាត្រា៦៨ នៃ​រដ្ឋធម្មនុញ្ញ ប្រសិនបើរក​កំហុស​ឃើញ គឺ​លោកស្រី យី​ង​ឡាក់ អាច​ប្រឈម​ទោសដោយ​ដល​ហូត​អំណាច ហើយហាម​ធ្វើ​នយោបាយ រយៈពេល៥​ឆ្នាំ​ពី​​បទ​បំពាន​អំណាច​រដ្ឋ។​

វិភាគ​៖​តើ​សមស្រប​ទេ​ដែល​រដ្ឋាភិបាល​បន្ត​បិទ​ការជួបជុំ​សម្តែង​មតិ​នៅ​ទីលាន​ប្រជាធិបតេយ្យ​?​

ទីលានប្រជាធិបតេយ្យ ត្រូវបានយាមកាមដោយសមត្ថកិច្ច (រូបថត៖ តាត​ ឧត្តម)

ជា​ការបើក​ទំព័រ​ថ្មី​នៃ​ឆ្នាំ​២០១៤ រដ្ឋាភិបាល​បង្ក្រាប​ជា​បន្តបន្ទាប់​លើ​ក្រុមអ្នកតវ៉ា​ដែល​នាំឲ្យ​ បណ្តាញសារព័ត៌មាន​ជាតិ និងអន្តរជាតិ​ចុះផ្សាយ ពី​ស្ថានការណ៍​នយោបាយ​នៅ​កម្ពុជា​។
នៅ​ថ្ងៃ​ទី​០២ ​ខែ​មករា សមត្ថកិច្ច​បង្ក្រាប​កម្ម​ករ​នៅ​រោងចក្រ​យ៉ាក​ជី​ង ថ្ងៃទី​០៣ បង្ក្រាប​កម្មករ​នៅ​សួន​ឧស្សាហកម្ម​កាណាឌីយ៉ា និង​ថ្ងៃ​ទី​៤ បង្ក្រាប​បាតុករ​ដឹកនាំ​ដោយ​គណបក្ស​សង្គ្រោះ​ជាតិ​នៅ​ទីលាន​ប្រជាធិតេយ្យ​។ ការ​បង្ក្រាប​ផ្ទួនៗ​នេះ បាន​បណ្តាលឲ្យ​មនុស្ស​៥​នាក់​ស្លាប់ និង​ជិត​៤០​នាក់​រងរបួស​ធ្ងន់ និង​ស្រាល ចំណែក​២៣​នាក់​ត្រូវ​ចាប់ខ្លួន​។​

​នៅ​ថ្ងៃ​ទី​០៤ ​ចំ​ថ្ងៃ​ដែល​សមត្ថកិច្ច​ចុះ​បំបែក​បាតុករ​នៅ​ទីលាន​ប្រជាពលរដ្ឋ​ធិបតេយ្យ ក្រសួង​មហាផ្ទៃ​បាន​ចេញ​បំរាម​ហាម​ការប្រមូលផ្តុំ​តវ៉ា​នានា ដើម្បី​ស្តារ​ស្ថានភាព​សន្តិសុខ​ឡើងវិញ​។ ក្រោយ​ការចេញ​បំរាម​របស់​ក្រសួងមហាផ្ទៃ អភិបាល​រាជធានី​ភ្នំពេញ​លោក​ប៉ា​សុជាតិ​វង្ស បាន​កោះប្រជុំ​មន្ត្រី​នៅ​តាម​ខណ្ឌ​នានា​ឲ្យ​ពង្រឹង​សន្តិសុខ ហាម​ការជួបជុំ​មនុស្ស​ឆាប់​ពី​១០​នាក់​ឡើងទៅ​។​

ស្វាមី​អាមេរិក​គាំទ្រមូរសុខហួរ១រយ​ភាគរយ

លោក​ស្រី មូរ សុខ​ហួរ​ ពេល​​ធ្វើ​ការ​តវ៉ា​នៅ​ទីលាន​ប្រជា​ធិប​
តេយ្យ​កន្លង​​​​មក​។ រូបថត លីណា

ខណៈ​ដែល​គូ​ស្វាមី​ភរិយា​ខ្មែរ​ជាច្រើន​នៅ​តែ​មាន​និន្នាការ​នយោបាយ​ខុស​ គ្នា រហូត​ដល់​គូ​ស្វាមី​ភរិយា​ខ្លះ​កើត​មាន​ជម្លោះ​ហិង្សា ដោយ​សារ​តែ​និន្នាការ​នយោបាយ​ខុស​គ្នា​នេះ អ្នក​នយោបាយ​ស្ត្រី​ដ៏​សកម្ម​ម្នាក់​របស់​គណបក្ស​ប្រឆាំង បែរ​ជា​ទទួល​បាន​ការ​គាំទ្រ​យ៉ាង​ពេញ​ទំហឹង​ពី​ស្វាមី​ជនជាតិ អាមេរិកាំង ក្នុង​ការ​ធ្វើ​នយោបាយ។ នយោបាយ​ដែល​ស្ត្រី​រូប​នេះ តែង​តែ​ធ្វើ​ឲ្យ​មន្ត្រី​ជាន់​ខ្ពស់​រដ្ឋាភិបាល​ជាច្រើន​រួម​ទាំង​លោក​នាយក​ រដ្ឋ​មន្ត្រី ហ៊ុន សែន ផង​ដែរ ក្តៅ​ស្លឹក​ត្រចៀក​មិន​តិច​ឡើយ។

កើត​ក្នុង​គ្រួសារ​មាន​ឪពុក ជា​ខ្មែរ​កម្ពុជា​ក្រោម ម្តាយ​កាត់ ចិន មាន​ស្រុក​កំណើត​នៅ​ក្នុង ខេត្ត​តាកែវ ប៉ុន្តែ​បាន​ប្រសូត​ឡើង និង​ធំ​ដឹង​ក្តី នៅ​ម្តុំ​ផ្សារ​ថ្មី​ក្នុង ក្រុង​ភ្នំពេញ លោក​ស្រី មូរ សុខហួរ ចង់​ឲ្យ​ឆាក​ជីវិត​របស់​លោក​ស្រី​មាន​ន័យ​មាន​កេរ្តិ៍​ឈ្មោះ​ល្អ តាម​រយៈ​ការ​ធ្វើ​នយោបាយ​ដើម្បី​ការពារ​ទឹក​ដី ប្រឆាំង​នឹង​ការ​ឈ្លាន​ពាន​ពី​បរទេស។ លោក​ស្រី មូរ សុខហួរ កើត​នៅ​ក្នុង ឆ្នាំ​១៩៥៤ នៅ​ក្នុង​គ្រួសារ​ដែល​មាន​ជីវភាព​ធូរធារ​មួយ​ដោយ​ឪពុក​របស់​លោក​ស្រី​ជា​ អ្នក​ជំនួញ​ធំ​ម្នាក់។ 

ជន​ជាប់​ឃុំ​២១​នាក់ត្រូវ​បាន​បញ្ជូន​មក​​ជា​លើក​ដំបូង​ដើម្បី​រង​ចាំ​បើក​សវនាការ​នៅ​ថ្ងៃ​សុក្រ

លោក វ​ន់ ពៅ ប្រធាន​សមាគម​ប្រជាធិបតេយ្យ​ឯករាជ្យ​នៃ​សេដ្ឋកិច្ច​ក្រៅ​
ប្រព័ន្ធរង​ការ​ បង្រ្កាប​នៅ​មុខ​រោងចក្រ​យ៉ាក​​ជី​ង។ រូបថត ភ្នំពេញ ប៉ុស្តិ៍

ជន​ជាប់​ឃុំ​ ២១នាក់ ដែល​បាន​ឃុំ​ខ្លួន​នៅ​ក្នុង​ពន្ធនាគារ​ត្រពាំង​ផ្លុង ខេត្ត​កំពង់ចាម​ បន្ទាប់​ពី​​​ហេតុ​ការណ៍​​ប៉ះ​ទង្គិ​ច​​​គ្នា​រវាង​កម្មករនិង​សមត្ថកិច្ច នៅ​មុខ​រោងចក្រ​យ៉ាក​ជី​ងនិង​សួន​ឧស្សាហកម្ម​កាណាឌីយ៉ា ផ្លូវ​វ៉េង​ស្រេង ត្រូវ​បាន​នាំ​ខ្លួន​មក​ទីក្រុង​ភ្នំពេញ​ជា​លើក​ដំបូង​ដើម្បីរង​ចាំ​បើក​ សវនាការ​នៅ​ថ្ងៃ​ទី ២៥ មេសា​។ ​
 
លោក គា សុវណ្ណា ប្រធាន​ពន្ធនាគារ​ត្រពាំង​ផ្លុង បាន​ថ្លែង​ឲ្យ​ដឹង​ថា​ បន្ទាប់​ពី​បាន​ទទួល​បទ​បញ្ជារ​ពី​អគ្គនាយកនៃ​អគ្គនា​យក​ដ្ឋាន​ពន្ធនារ​​នៃ​ ក្រ​សួង​​មហាផ្ទៃមក លោក​បាន​ធ្វើ​ការ​បញ្ជូន​​ជន​ជាប់​ឃុំ​ទាំង​២១​នាក់​នោះ​បាន​បញ្ជូន​ទៅ​ ភ្នំពេញ​ហើយ​កាល​ពី​ម៉ោង​៦​ព្រឹក​ ដើម្បី​រង​ចាំ​បើក​សវនា​ការ​ នៅថ្ងៃ​ទី ២៥ ខែ មេសា ហើយ​លោក​បាន​ទទួល​ដឹង​ណឹងថា​ពួក​គេ​ទៅ​ដល់​ពន្ធនាគារព្រៃ​សរ​នៅ​ម៉ោង ៩និង៣០​នាទី​ព្រឹក​។

លោក​បាន​ថ្លែង​ឲ្យ​ដឹង​ថា​ ៖«ខ្ញុំ​មិន​ថា​ពួក​គាត់​នឹង​ត្រូវ​បញ្ជូន​មក​វិញ​រឺ​យ៉ាងណាទេ​វា​ទាក់​ ទៅនិង​តុលាការ​ ហើយ​ម្យ៉ាង​ទៀត​ពួក​គាត់​ត្រូវ​រង​ចាំ​បើ​ក​សវនាការ​សុំ​នៅ​ក្រៅ​ឃុំ​នៅ​ឯ​ តុលាការ​កំពូលថ្ងៃ​ទី​២​ ខែ​ឧសភា​»។​

សង្គ្រោះ​ជាតិ​សន្យា​ធ្វើ​គោល​នយោបាយ​តាម​អាមេរិក

លោក​ កឹម សុខា (​ទីពីរ រាប់​ពីឆ្វេង​មក​ស្តាំ)​​​ពេល​ជួប​​មន្ត្រី​​អា​មេរិក ​
កាល​ពី​សប្តាហ៍​មុន​។ រូបថត សហ​ការី

លោក កឹម សុខា អនុ​ប្រធាន​គណបក្ស​សង្គ្រោះ​ជាតិ បាន​សន្យា​ចំពោះ​មុខ​មន្រ្តី​ថ្នាក់​កំពូល​របស់ សហរដ្ឋ​អាមេរិក នៅ ទីក្រុង​វ៉ាស៊ីនតោន កាល​ពី​សប្តាហ៍​មុន​ថា លោក​នឹង​ធ្វើ​គោល​នយោបាយ​ការ​បរទេស​តាម​លំនាំ សហរដ្ឋ​អាមេរិក ជាជាង​យក​លំនាំ​តាម ចិន។ នេះ​បើ​យោង​តាម​សេចក្តី​សង្ខេប​នៃ​កិច្ច​ប្រជុំ​របស់​លោក ដែល​បាន​បង្ហោះ​នៅ​លើ​អ៊ីនធឺណិត។
 
ឯកសារ ដែល​បាន​ចេញ​ផ្សាយ​ដោយ​មូលនិធិ​សង្គ្រោះ​ជាតិ​កម្ពុជា ប្រចាំ សហរដ្ឋ​អាមេរិក កាល​ពី​ថ្ងៃ​ចុង​សប្តាហ៍ បាន​ផ្តល់​សេចក្តី​សង្ខេប​មួយ​ចំណុច​ម្តងៗ​នៃ​កិច្ច​ប្រជុំ​របស់​លោក កឹម សុខា ជាមួយ​នឹង​មន្រ្តី​ក្រសួង ការ​បរទេស សហរដ្ឋ​អាមេរិក និង Pentagon។

លោក​ស្រី មូរ សុខហួរ ប្រធាន​កិច្ចការ​សាធារណៈ​របស់​គណបក្ស​សង្គ្រោះ​ជាតិ បាន​ថ្លែង​កាល​ពី​យប់​ថ្ងៃ​អាទិត្យ​ថា ឯកសារ​ដែល​ត្រូវ​បាន​ផ្សព្វ​ផ្សាយ​នោះ​អាច​ចាត់​ទុក​ថា ត្រឹម​ត្រូវ។

CNRPក្រុងភ្នំពេញស្នើសុំទីលានប្រជាធិបតេយ្យឬសួនការ៉ូឡាខាងកើតចំហៀងខាងត្បូងវត្តបុទុមវត្តីដើម្បីជួបជុំធ្វើការឃោសនាបោះឆ្នោតជ្រើសរើសក្រុមប្រឹក្សាខណ្ឌនៃរាជធានីភ្នំពេញ!


Tuesday, April 22, 2014

ក្រុម​គ្រួសារ​អតីតសកម្មជន​ការពារ​ព្រៃឈើលោក​ឈុតវុទ្ធីនឹង​ដាក់​ពាក្យបណ្តឹង​ទៅ​តុលាការICC​ករណី​ស្លាប់​របស់​លោក​​


ខណៈ​ដែល​អង្គការ​ ការពា​រ​ធនធានធម្មជាតិ ​(NRPG) នឹង​ប្រារព្ធ​ខួប​ ២​ឆ្នាំ​នៃ​ការ​ធ្វើឃាត​លោក ឈុត វុទ្ធី នៅ​កន្លែង​ដែល​លោក​ត្រូវបាន​គេ​បាញ់សម្លាប់ នៅ​ថ្ងៃ​ទី​២៦ ខែ​មេសា​ខាង​មុខ​នេះ ក្រុមគ្រួសារ​របស់​លោក ឲ្យដឹង​នៅ​ថ្ងៃ​អង្គារ​នេះ​ថា ខ្លួន​នឹង​ដាក់​ពាក្យបណ្តឹង​ទៅកាន់​តុលាការ​ព្រហ្មទណ្ឌ​អន្តរជាតិ (ICC) ឲ្យ​ស៊ើបអង្កេត និង​ចាប់​ឃាតករ​ពិត ដែល​បាន​បាញ់សម្លាប់​លោក ឈុត វុទ្ធី មក​ផ្តន្ទាទោស​តាមច្បាប់។​
​កូនប្រុស​លោក ឈុត វុទ្ធី អតីត​ប្រធាន​អង្គការ​ការពារ​ធនធាន​ធម្មជាតិ និង​ជា​សកម្មជន​ការពារ​ព្រៃឈើ លោក ឈើ​យ ឧត្តម​រស្មី ប្រាប់​VOD នៅ​រសៀល​ថ្ងៃ​អង្គារ ទៅ​២២ ខែ​មេសា​នេះ​ថា ឪពុក​របស់​លោក​ត្រូវបាន​គេ​បាញ់​ស្លាប់​ អស់​រយៈពេល​ពីរ​ឆ្នាំ​ទៅ​ហើយ នៅតែ​មិន​ទាន់​ចាប់​ជនដៃដល់​ពិតប្រាកដ មក​ផ្តន្ទាទោស​តាមច្បាប់ ផ្ទុយទៅវិញ​តុលាការ​ក៏​ដូច​ជា​រដ្ឋាភិបាល បាន​ចោទ​កូន​ទាហាន​ម្នាក់​ថា ជា​ឃាតករ​សម្លាប់​លោក ឈុត វុទ្ធី​ទៅវិញ​។ លោក​រិះគន់ថា តុលាការ​កម្ពុជា​មិន​ឯករាជ្យ ស្ថិតក្រោម​ឥទ្ធិពល​អ្នកមានអំណាច។

​បុគ្គលិក​ក្រុមហ៊ុន​រថយន្តក្រុងភ្នំពេញ​សូរិយព្រមាន​ធ្វើ​កូដកម្ម​ទ្រង់ទ្រាយ​ធំបើ​ក្រសួង​ការងារមិន​អន្តរាគមន៍​ការទាមទារ​របស់​ពួកគេ​​

បញ្ជរលក់សំបុត្ររថយន្តក្រុងភ្នំពេញសូរិយា (រូបភាព៖ ប្រែង សត្យា​ភិរក្ស)

ថ្នាក់ដឹកនាំ​សហជីព​ក្រុមហ៊ុន រថយន្តក្រុង ភ្នំពេញ​សូរិយា ព្រមាន​ធ្វើ​កូដកម្ម​ទ្រង់ទ្រាយ​ធំ ប្រសិនបើ​ក្រសួង​ការងារ មិន​ព្រម​អន្តរាគមន៍​លើ​ការទាមទារ​របស់​ខ្លួន ហើយ​ក្រុមហ៊ុន នៅតែ​មិន​គោរព​លក្ខខណ្ឌ​ការងារ ឬ​មិន​ទទួលស្គាល់​សហជីព​កម្ម​ក​រ ដែល​បាន​បង្កើតឡើង​ស្របតាម​ច្បាប់​នោះ​។​
ប្រធាន​សហជីព​ប្រចាំ​ក្រុមហ៊ុន លោក សម្បត្តិ វន ប្រាប់​VOD ឲ្យដឹងថា នៅ​ម៉ោង​ជាង​១១​ព្រឹក​នេះ ថ្នាក់ដឹកនាំ​សហជីព បាន​មូលមតិ​គ្នា ដាក់​ញត្តិ​ស្នើ​អន្តរាគមន៍ ចំនួន ១១​ចំណុច ទៅ​កាន់​ក្រសួង​ការងារ ដោយសារ​តែ​ភាគី​ក្រុមហ៊ុន បន្ត​មិន​អើពើ​ចំពោះ​ការទាមទារ​របស់​បុគ្គលិក​។ លោក​ថា បើ​ក្រសួង​ការងារ មិន​អន្តរាគមន៍​លើ​ញត្តិ​ទាមទារ​នោះ គឺ​ថ្នាក់​ដឹកនាំ​សហជីព នឹង​ដឹកនាំ​បុគ្គលិក​បើករថយន្ត ក្នុង​ក្រុមហ៊ុន​នេះ ដែល​មាន​ទីតាំង​ទាំង ៧​រាជធានី​-​ខេត្ត ឈប់​ធ្វើការ​តែម្តង​។​

អ្នកស្រីមូរសុខហួរទាមទារ​រដ្ឋាភិបាល​ដក​ឬ​ព្យួរ​ការងារ​អភិបាល​រង​ខណ្ឌ​ដូនពេញ

អ្នកស្រី មូរ សុខហួរ តំណាង​រាស្ត្រ​គណបក្ស​សង្គ្រោះ​ជាតិ ក្នុង​
សន្និសីទ​សារព័ត៌មាន​នៅ​ព្រឹក​ថ្ងៃ​ទី​២២ មេសា ឆ្នាំ​២០១៤

គណបក្ស​សង្គ្រោះ​ជាតិ ទាមទារ​រដ្ឋាភិបាល​ឱ្យ​ចាត់​វិធាន​ការ ដូច​ជា ការ​ដក ឬ​ព្យួរ​ការងារ​ចំពោះ​អភិបាល​រង​ខណ្ឌ​ដូនពេញ ដែល​បញ្ជា​ឱ្យ​ប្រើ​ហិង្សា​វាយ​របួស​មនុស្ស​នៅ​ទីលាន​ប្រជាធិបតេយ្យ នៅ​ថ្ងៃ​ទី​២១ មេសា។ មន្ត្រី​រដ្ឋាភិបាល​កំពុង​រង់ចាំ​មើល​បណ្ដឹង​របស់​គណបក្ស​សង្គ្រោះ​ជាតិ។
ថ្លែង​នៅ​ក្នុង​សន្និសីទ​សារព័ត៌មាន នៅ​ព្រឹក​ថ្ងៃ​ទី​២២ មេសា តំណាង​រាស្ត្រ​គណបក្ស​សង្គ្រោះ​ជាតិ អ្នកស្រី មូរ សុខហួរ ថ្លែង​ថា នៅ​ថ្ងៃ​ទី​២៨ មេសា សប្ដាហ៍​ក្រោយ បេក្ខជន​គណបក្ស​សង្គ្រោះ​ជាតិ នឹង​ដាក់​លិខិត​ទៅ​រដ្ឋាភិបាល ដើម្បី​ឱ្យ​មាន​វិធាន​ការ​រដ្ឋបាល​លើ​អភិបាល​រង​ខណ្ឌ​ដូនពេញ គឺ​លោក សុខ ពេញវុធ៖ «ធ្វើ​តាម​រដ្ឋបាល យើង​ចាប់​ផ្ដើម​នៅ​ថ្ងៃ​ច័ន្ទ នេះ​ហើយ ហើយ​ដូច​ខ្ញុំ​ជម្រាប​ហើយ មេធាវី​គណបក្ស​សង្គ្រោះ​ជាតិ កំពុង​តែ​មើល​លើ​ករណី​ទាំងអស់​នេះ។ ជន​រង​គ្រោះ គឺ​ជា​ករណី​របស់​គេ បើ​សិន​ជា​គេ​ចង់​ប្ដឹង​ជា​បុគ្គល ហ្នឹង​ជា​រឿង​របស់​គេ តែ​ចំពោះ​បក្ស​សង្គ្រោះ​ជាតិ យើង​ធ្វើ។ ខ្ញុំ​សុំ​ជម្រាប​ថា ការ​កែ​ទម្រង់​ប្រព័ន្ធ​តុលាការ កែ​ទម្រង់​ការ​គ្រប់គ្រង​ប្រទេស​នេះ គឺ​ជា​ចំណុច​ដ៏​សំខាន់ ដ៏​ក្ដៅ​គគុក នៅ​ក្នុង​ការ​ចរចា ដើម្បី​ឱ្យ​យើង​ទៅ​ចូល​សភា ឬ​មិន​ចូល​សភា។ យើង​អត់​ទុក​ចោល​ទេ»

បក្សប្រឆាំង​៖សេរីភាព​បញ្ចេញមតិត្រូវ​បក្ស​កាន់អំណាចរំលោភបំពាន​ជា​លក្ខណៈប្រព័ន្ធ​​​

លោកស្រី មូរ សុខហួរ ក្នុងសន្និសីទសារព័ត៌មាន របស់គណបក្ស
សង្គ្រោះជាតិ កាលពីព្រឹកមិញ (រូបថត៖ ញឹម សុខន)

បក្សប្រឆាំង នៅ​ថ្ងៃ​អង្គារ​នេះ អះអាងថាបក្ស​កាន់​អំណាចកំពុង​ប្រើ​វិធានការ​បង្ក្រាប ទៅលើ​សេរីភាព​បញ្ចេញមតិ​ដោយ​សន្តិវិធី ក្នុង​លក្ខណ​ជា​ប្រព័ន្ធ ដើម្បី​ពង្រឹង​អំណាច របស់ខ្លួន ខណៈ​ស្ថានការណ៍​នយោបាយ កំពុង​ជាប់​គាំង ក្រោយ​ការបោះឆ្នោត​។​
 
​ប្រតិកម្ម​នេះ ធ្វើឡើង​នៅក្នុង​សន្និសីទ​សារព័ត៌មាន នៅ​ស្នាក់ការ​កណ្តាល របស់​គណបក្ស​សង្គ្រោះ​ជាតិ នៅ​សង្កាត់​ចាក់អង្រែ​ក្រោម រាជធានី​ភ្នំពេញ​នា​ថ្ងៃ​ទី​២២​ខែ​មេសា​នេះ​។​

ម្យ៉ាងវិញទៀត សន្និសីទ​សារព័ត៌មាន​នេះ បាន​ធ្វើឡើង បន្ទាប់​ពី​កម្លាំង​អាជ្ញាធរ​ខណ្ឌ​ដូនពេញ បាន​បង្ក្រាប​អ្នកគាំទ្រ​គណបក្ស​សង្គ្រោះ​ជាតិ នៅ​ទីលាន​ប្រជាធិបតេយ្យ កាលពី​ថ្ងៃ​ចន្ទ​ម្សិលមិញ​ឲ្យ រងរបួស​ប្រមាណ ១០​នាក់ ក្នុងនោះ​មាន​ទាំង បេក្ខជន​ជាប់ឆ្នោត​តំណាងរាស្ត្រ​ម្នាក់​ផងដែរ​។​

សង្សារ៣ឆ្នាំនៅលើFacebookដល់ពេលបានជួបមុខគ្នាផ្ទាល់ឈឺចិត្តពេកបាញ់នាងសម្លាប់ចោល


ឥណ្ឌា៖ បុរសម្នាក់ មានការខឹងសម្បា ជាខ្លាំង នៅពេលដែលគាត់ បានដឹងថា នារីដែលបានទាក់ទង ជាមួយគាត់ នៅលើហ្វេសប៊ុក អស់រយៈពេល ៣ឆ្នាំ កន្លងមកនោះ តាមពិតទៅជា ស្ត្រីចំណាស់ ម្នាក់ទៅវិញ។

លោក Vineet Singh វ័យ ២២ឆ្នាំ រស់នៅក្នុងរដ្ឋ Uttar Pradesh នៃប្រទេស ឥណ្ឌា បានរំពឹងក្នុងចិត្ត យ៉ាងមុតមាំ ក្នុងការណាត់ជួប ជាមួយនឹង នារីម្នាក់ ដែលស្គាល់គ្នា តាមរយៈ បណ្តាញទំនាក់​ទំនង​សង្គម ហ្វេសប៊ុក អស់រយៈពេល ជាយូរមកហើយនោះ។

យ៉ាងណាមិញ ការណាត់ជួបនោះ មិនទទួលបានលទ្ធផល ដូចអ្វីដែលគាត់ ធ្លាប់បានរំពឹងទុកឡើយ ក្រោយពីគាត់បានដឹងថា នារីដែលគាត់ស្គាល់នៅលើហ្វេសប៊ុក និង ថែមទាំងធ្លាប់បាន អះអាង​ប្រាប់​ថានាង មានអាយុ ២១ឆ្នាំនោះ តាមពិតទៅ គឺជាស្ត្រីវ័យកណ្តាល ដែលបានរៀបការរួច​ហើយ​ម្នាក់ ប៉ុណ្ណោះ។

គ​.​ជ​.​បលើកឡើង​ថា​កន្លងមក​ខ្លួន​ប្រៀប​ដូច​ជា​ខ្លា​ក្រដាស​ដែល​មិន​មាន​សិទ្ធិ​អំណាច​​


គណៈកម្មាធិការ​ជាតិ​រៀបចំ​ការបោះឆ្នោត (​គ​.​ជ​.​ប​) នៅ​ថ្ងៃ​ចន្ទ​នេះ លើកឡើងថា កន្លងមក​ខ្លួន​មិន​បាន​អនុវត្ត​នូវ​សិទ្ធិ​អំណាច ដែល​ច្បាប់​បានចែង​មក​ពេញលេញ​នោះ​ទេ បើ​ប្រៀបធៀប​ទៅ​ដូច​ជា​សត្វ​ខ្លា​ក្រដាស មិន​មាន​ឥទ្ធិពល​ក្នុង​ការសម្រេចសេចក្តី​។​
 
ការលើកឡើង​បែប​នេះ គឺជា​ការឆ្លើយតប​ទៅនឹង​សំណួរ​របស់​អ្នកសារព័ត៌មាន នៅក្នុង​សន្និសីទ​កាសែត នា​ព្រឹក​ថ្ងៃ​ចន្ទ ទី​២១ ខែ​មេសា នៅ​ទីស្នាក់ការ គ​.​ជ​.​ប ។​

​សមាជិក​គណៈកម្មាធិកា​រ​ជាតិ​រៀបចំ​ការបោះឆ្នោត លោក មាន សាទិ ទទួលស្គាល់ថា កន្លងមក គ​.​ជ​.​ប មិន​បាន​អនុវត្ត​តាម​ច្បាប់​ដែល​បាន​ចែង​ត្រឹមត្រូវ​ទាំងអស់​ទេ ដោយសារ​តែ​អំណាច​ដែល​ខ្លួន​មាន មិន​អាច​គ្រប់គ្រង​បាន​ស្ថាប័ន​មួយចំនួន។ លោក​បន្តថា គ​.​ជ​.​ប អាណត្តិ​មុន​និង​ពេលបច្ចុប្បន្ន ប្រៀប​បាន​ដូច​ជា​សត្វ​ខ្លា​ក្រដាស ដែល​មិន​មាន​អំណាច​សម្រេច​អ្វី​ទេ។

យន្តហោះ​ម៉ាឡេស៊ី​មួយគ្រឿង​ចុះចត​បន្ទាន់​បន្ទាប់​ពី​បែក​កង់​កៅស៊ូ​​

យន្តហោះ MH192ដែលផ្ទុះកង់​កៅស៊ូ ហើយបានចុះចត នៅអាកាសយន្តដ្ឋាន 
កូឡា​ឡាំ​ពួ(រូបភាពពី៖ AFP)

យន្តហោះ​ដឹក​អ្នកដំណើរ​របស់​ម៉ាឡេស៊ី​មួយគ្រឿង ដែល​ផ្ទុក​អ្នកជិះ​១៦៦​នាក់ ចុះចតបន្ទាន់​នៅ​រំលងអធ្រាត្រ​ថ្ងៃ​ចន្ទ​នេះ នៅ​ទី​ក្រុងកូឡា​ឡាំ​ពួ ដើម្បី​រក្សា​សុវត្ថិភាព បន្ទាប់​ពី​កង់​កៅស៊ូ​របស់​យន្តហោះ​នោះ​ផ្ទុះ​បែក​។​
សារព័ត៌មាន ​Channel News Asia ចុះផ្សាយ​ថា ជើងហោះហើរ​ MH192 ហោះ​ពី​កូឡា​ឡាំ​ពួ​ទៅ​ឥណ្ឌា ដែល​មាន​អ្នក​ជិះ​ ១៦៦​នាក់ បាន​ចុះចត​វិញ​ជា​បន្ទាន់​បន្ទាប់​ពី​ពិនិត្យឃើញថា

កង់​កៅស៊ូ​បាន​បែក​។ យន្តហោះ​បាន​ចុះចត​ដោយ​សុវត្ថិភាព​ដល់​ដី នៅ​ម៉ោង​១ និង​៥៦​នាទី​រំលង​អត្រាធ ​យប់​ថ្ងៃ​ចន្ទ​នេះ​។​ ក្នុង​ចំណោម​អ្នក​នៅលើ​យន្តហោះ​ ១៦៦​នាក់​នោះ មាន​១៥៩​នាក់ ជា​អ្នកដំណើរ និង៧​អ្នក​បំរើការ​លើ​យន្តហោះ​៕

Sunday, April 20, 2014

កាត់ទោសប្រហារជីវិតសេដ្ឋីវ័យក្មេងក្រោយចាក់សំលាប់ប្រពន្ធដ៏ស្រស់ស្អាតខ្លួនឯង


ចិន៖ បុរសអ្នកមានទ្រព្យសម្បត្តិស្តុកស្តម្ភម្នាក់ត្រូវបាន ចោទប្រកាន់ពីបទចាក់សំលាប់ ប្រពន្ធខ្លួន ឯង ដោយសារតែមានជំលោះឈ្លោះប្រកែកគ្នាតឹងសរសៃក ហើយតុលាការ Nanjing Interme diate People  នៅក្នុងខេត្ត Jiangsu សំរេចកាត់ទោសប្រហារជីវិត ជនល្មើស នេះបើយោង តាមប្រ ភពពត៌មានស៊ិនហួរ។

ជនល្មើសឈ្មោះ Ji Xingpeng អាយុ២៥ឆ្នាំបានចាក់សំលាប់ប្រពន្ធខ្លួនឯងឈ្មោះ Qi Kexin អាយុ ២២ឆ្នាំ នៅផ្ទះរបស់ ពួកគេក្នុងទីក្រុង Nanjing ដោយសារតែពួកគេទាំង២បានឈ្លោះប្រកែកគ្នា តឹង សរសៃក រហូតឈានដល់ការប្រតាយប្រតបគ្នា ព្រោះតែរឿងចចាមអារាមថា នារីជាប្រពន្ធនោះ ក្បត់ចិត្តគាត់ ហើយទារកអាយុ៣ខែនោះមិនមែនជាកូនរបស់ជនល្មើសទេ ប៉ុន្តែក្រោយ ការធ្វើតេស្ត DNA លទ្ធផលបង្ហាញថា ទារកនោះជាកូនពួកគេទាំង២។

លោកស្រីមូរសុខ​ហួរត្រូវបាន​សមត្ថកិច្ច​អូស​ចេញពី​ទីលាន​ប្រជាធិបតេយ្យ​ជាថ្មីទៀត​​

លោកស្រី មូរ សុខហួរ ត្រូវបានអាជ្ញាធររារាំងជាថ្មី
នៅថ្ងៃអាទិត្យនេះ (រូបថត ញឹម សុខន)

បេក្ខជន​ជាប់ឆ្នោត​តំណាងរាស្ត្រ​គណបក្ស​សង្គ្រោះ​ជាតិ លោកស្រី មូរ សុខ​ហួរ នៅ​ព្រឹក​ថ្ងៃ​អាទិត្យ​នេះ ត្រូវបាន​សមត្ថកិច្ច​ចម្រុះ​រាប់រយ​នាក់ ប្រដាប់​ដោយ​ខែល និង​ដំបង រារាំង និង​ចាប់​សែង​ជាថ្មីទៀត មិនឲ្យ​ចូល​ទៅ​កាន់​បរិវេ​ណទី​លាន​ប្រជាធិបតេយ្យ ដើម្បី​សម្តែង​មតិ​ឡើយ​។​
 
​តាម​គម្រោង​នៃ​យុទ្ធនាការ ទាមទារ​ការគោរព​សិទ្ធិ​បញ្ចេញមតិ និង​ទីតាំង​ប្រមូលផ្តុំ នៅ​ថ្ងៃ​ទី​២០ ខែ​មេសា​នេះ លោកស្រី មូរ សុខ​ហួរ មន្ត្រីជាន់ខ្ពស់​គណបក្ស​សង្គ្រោះ​ជាតិ បាន​ធ្វើដំណើរ ទៅកាន់​ទីលាន​ប្រជាធិបតេយ្យ ដោយ​មាន​អ្នកគាំទ្រ ជា​យុវជន​ប្រមាណ​៥០​នាក់ ដើម្បី​អនុវត្ត​សិទ្ធិ​សម្តែង​មតិ​របស់​ខ្លួន ក្នុងនាម​ជា​ពលរដ្ឋ​។​

​ទោះជា​យ៉ាងណា គោលបំណង​ដែល​ទៅកាន់​ទីលាន​ប្រជាធិបតេយ្យ​នេះ របស់​បេក្ខជន​ជាប់ឆ្នោត​តំណាងរាស្ត្រ​គណបក្ស​សង្គ្រោះ​ជាតិរូប​នេះ ត្រូវ​បាន​បរាជ័យ​ជាថ្មី ដោយសារ​កម្លាំង​សមត្ថកិច្ច​ជា​ច្រើន​នាក់ បានដាក់រ​បាំងបិទ​ច្រកចេញ​ចូល​ទីលាន​ប្រជាធិបតេយ្យ នៅ​ព្រឹក​នេះ និង​បាន​រុញច្រាន លោកស្រី​ចេញពី​បរិវេណ​នោះ​។​

Saturday, April 19, 2014

ជួនកាលបានលទ្ធផលផ្ទុយនឹងចំណង់«ដោយៈលិមគិមយ៉ាបេក្ខជនតំណាងរាស្ត្រជាប់ឆ្នោតគណបក្សសង្គ្រោះជាតិនៅខេត្តកំពង់ធំ»

ចំណង់ដែលចង់បាន និង លទ្ធផលដែលផ្តល់មក ជួនកាលផ្ទុយគ្នាស្រឡះ ដោយមិនបាន គ្រោងទុកជាមុន គិតមិនដល់ ការរស់នៅជារាងរាល់ថ្ងៃ មូលហេតុអស់នេះ មានជាញឹកញប់ ដោយយើងមិនច្បាស់ថាលទ្ធផលដែលយើងចង់បាននោះ គឺដូចបំណងយើងនោះទេ គង់តែកិច្ចការ អស់នេះ នៅក្រោមការត្រួតត្រារបស់យើង ១០០ ភាគ ១០០ ក៏ដោយ

ចុះបើកិច្ចការនោះនៅក្រោមការត្រួតត្រារបស់យើងតែមួយភាគ ក៏អត់សោះ លទ្ធផលដែលយើង សងឹ្ឃមថានឹងបាននោះ ច្បាស់ជាមិនបាន ១០០ ភាគ ១០០ ដែលយើងសងឹ្ឃមនោះទេ ឬក៏ផ្ទុយទៅវិញ។

ការដែលខ្ញុំលើកទស្សនៈនេះមកពិចារណា ពីព្រោះស្ថានភាពនយោបាយនៅប្រទេសខ្មែរគាំងស្ញេញ តាំងពីពេលបោះឆ្នោតរើសសភាអណ្តតិ្តទី កាលពីថ្ងៃទី ២៨ កក្កដា ២០១៣ មកម្ល៉េះ

ហើយការចរចារវាងគណបក្សទាំងពីរដែលមានតំណាងនៅរដ្ឋសភា គឺ គណបក្សសង្គ្រោះជាតិ និង គណបក្សប្រជាជនកម្ពុជា ដូចជាមានល្បឿនយឺត ដែលជាការព្រួយបារម្ភដល់ស្ថានភាពនយោបាយ និង សេដ្ឋកិច្ច នេះបើយើងតាំងខ្លួនជាអ្នកជាតិនិយម តែចំពោះពួកលោភអំណាចគឺពួក គណបក្សប្រជាជនកម្ពុជាគេអត់ទៅ ឈឺក្បាលនឹងជីវភាពប្រទេស និង ប្រជាពលរដ្ឋនោះទេ

លោកយឹមសុវណ្ណប្រកាសពីគោលជំហររបស់គណបក្សសង្គ្រោះជាតិក្នុងឱកាសបំពេញទស្សនកិច្ចនៅក្រុងម៉ុងរ៉េអាល់ប្រទេសកាណាដា

រៀបការកូនស្រីប្រធានាធិបតីនីហ្សេរីយ៉ាចែកសុទ្ធតែiPhoneដាំពេជ្រអោយភ្ញៀវកិត្តិយស


អាពាហ៍ពិពាហ៍កូនស្រីរបស់ ប្រធានាធិបតីប្រទេសនីហ្សេរីយ៉ា ដែលទើបនឹងបញ្ចប់កាល ពីប៉ុន្មាន​ថ្ងៃកន្លងទៅនេះ មានការ ចាប់អារម្មណ៍យ៉ាងខ្លាំង ដោយភ្ញៀវកិត្តិយសទាំងអស់ ទទួលបាន iPhone ស្រោបមាស និងដាំពេជ្រជាកាដូសំរាប់ ការអញ្ចើញចូលរួម។

 iPhone ស្រោប មាស និងដាំពេជ្រ ទាំងនោះ ត្រូវបានរចនាឡើងដោយក្រុមហ៊ុន Malivelihood ដែលជា ក្រុមហ៊ុនជំនាញខាងស្រោបមាសលើគ្រឿងអេឡិច ត្រូនិច។ នៅផ្នែកខាងក្រោយរបស់ ទូរស័ព្ទត្រូវបានរចនាឡើង ជាមួយនឹងឈ្មោះកូនក្រមុំ និងកូនកំលោះ ព្រមជាមួយនឹង កាលបរិច្ឆេទ​ថ្ងៃអាពាហ៍ពិពាហ៍។

មន្ទីរ​ពេទ្យ​កាល់ម៉ែត្រពិនិត្យរក​មេរោគ​បង្ក​ជំងឺ​មហារីក​មាត់​ស្បូន​ដោយ​ឥត​គិត​ថ្លៃសម្រាប់​ស្ដ្រី​៤០០​នាក់​ដំបូង

ខិត្តបណ្ណ​របស់​មន្ទីរ​ពេទ្យកាល់ម៉ែត ផ្សព្វផ្សាយ​ពី​ការ​ពិនិត្យ​
រក​មេរោគ HPV ដែល​បង្ក​ជំងឺ​មហារីក​មាត់​ស្បូន

ចាប់​ពី​ ថ្ងៃ​ទី​១៧ ដល់​ថ្ងៃ​ទី​២១​មេសា​នេះ ស្ដ្រី​ដែល​មាន​អាយុ​ចាប់​ពី​៣០ ទៅ​៦០​ឆ្នាំ អាច​អញ្ជើញ​ទៅ​ពិនិត្យ​រក​មេរោគ HPV ដែល​បង្ក​ជំងឺ​មហារីក​មាត់​ស្បូន នៅ​មន្ទីរ​ពេទ្យ​កាល់ម៉ែត្រ​។ ហើយ​ប្រសិន​បើ​នាង​កញ្ញា​ស្ថិត​ក្នុង​ចំណោម​ស្ដ្រី​៤០០​នាក់​ដំបូង នោះ​ការ​ពិនិត្យ​នឹង​ត្រូវ​ផ្ដល់​ជូន​ដោយ​ឥត​គិត​ថ្លៃ​។ វេជ្ជបណ្ឌិត បាន​លើក​ទឹក​ចិត្ត​ដល់​​ស្ដ្រី ឲ្យ​ចូល​រួម​ក្នុង​ការ​ពិនិត្យ​រក​មេរោគ​បង្ក​ជំងឺ​មហារីក​មាត់​ស្បូន​នេះ ព្រោះ​ថា ជំងឺ​នេះ កំពុង​តែ​ប្រឈម​ខ្លាំង​នៅ​ក្នុង​សង្គម​កម្ពុជា​។

​មន្ទីរ​ពេទ្យ​កាល់ម៉ែត្រ បើក​យុទ្ធនាការ​ពិនិត្យ​រក​មេរោគ​បង្ក​ជំងឺ​មហារីក​មាត់​ស្បូន​ដោយ​ឥត​គិត​ ថ្លៃ ចាប់​ពី​ថ្ងៃ​ទី​១៧ រហូត​ដល់​ថ្ងៃ​ទី​២១​មេសា។ សូម​បញ្ជាក់​ផង​ដែរ​ថា ​ការ​ពិនិត្យ​​ឥត​គិត​ថ្លៃ​នេះ នឹង​ត្រូវ​ផ្ដល់​ជូនដល់​ស្ដ្រី​​​អាយុ​​ពី​៣០ ទៅ​៦០​ឆ្នាំ​ ចំនួន​៤០០​នាក់​ដំបូង ដែល​អញ្ជើញ​ទៅ​ពិនិត្យ​តែ​ប៉ុណ្ណោះ​​។

ប្រធាន​វិភាគ​កោសិកា​មហារីក នៃ​មន្ទីរ​ពេទ្យ​កាល់ម៉ែត លោក​ស្រី​វេជ្ជបណ្ឌិត​ហាវ មុន្នីរ័ត្ន បញ្ជាក់​ប្រាប់​វិទ្យុ​បារាំង​អន្ដរជាតិ​ថា ស្ដ្រី​កម្ពុជា​ប្រឈម​មុខ​ខ្ពស់​ជាមួយ​នឹង​ការ​កើត​ជំងឺ​មហារីក​មាត់​ស្បូន​ ។ បើ​តាម​ការ​សិក្សា​របស់​អង្គការ​សុខភាព​ពិភពលោក ជំងឺ​​មហារីក​មាត់​ស្បូន​នៅ​កម្ពុជា កើត​ឡើង​ទៅ​លើ​ស្ដ្រី​ជាង​១​ពាន់​៥​រយ​នាក់ ក្នុង​មួយ​ឆ្នាំ​ៗ ហើយ​ក្នុង​នោះ អ្នក​ជំងឺ​ជាង​៦០​ភាគ​រយ បាន​ស្លាប់​បាត់​បង់​ជីវិត​។ ស្លាប់​បាត់​បង់​ជីវិត​ដោយ​សារ​តែ​អ្នក​ជំងឺ បាន​មក​មន្ទីរ​ពេទ្យ នៅ​ពេល​ដែល​មេរោគ​ជំងឺ​មហារីក​នេះ វិវត្ត​ដល់​ដំណាក់​កាល​ធ្ងន់ធ្ងរ ពិបាក​ព្យាបាល។

ស្ថាន​ភាព​នយោបាយ​កម្ពុជា​អាច​ធ្ងន់​ធ្ងរ​ឬ​​​ធូរស្រាល​គេ​ត្រូវ​រង់​ចាំ​មើល​នៅ​ខែ​ឧសភា​ខាង​មុខ​

លោក សម រង្ស៊ី និងលោក កឹម សុខា ដឹកនាំក្បួនមហា
បាតុកម្ម នៅភ្នំពេញ នាថ្ងៃអាទិត្យ ទី២២ ខែធ្នូ ឆ្នាំ២០១៣

អ្នក​វិភាគ​​ជា​ច្រើន​​បាន​ដាក់​​ការ​ព្រួយ​បារម្ភ​​ថា​ ស្ថាន​ភាព​​នយោបាយ​​នៅ​​កម្ពុជា​​អាច​​នឹង​​វិវត្ត​​ទៅ ​រក​​ភាព​​ធ្ងន់ធ្ងរ​​នៅ​ក្រោយ​​ពិធី​បុណ្យ​​ចូល​ឆ្នាំ​ថ្មី​​នេះ ​ពិសេស​​នៅ​​ខែ​ឧសភា​​ខាង​មុខ​នេះ​។ ក៏ប៉ុន្តែ​​មាន​​អ្នកវិភាគ​​មួយ​ចំនួន​​ក៏​បាន​​មើល​​ឃើញ​​ដែរ​​ថា​ ស្ថានភាព​​នយោបាយ​​នៅ​​កម្ពុជា​ ក៏​អាច​​នឹង​​វិវត្ត​មក​រក​​ភាព​ល្អ​ប្រសើរ​​ឡើង​វិ​ញ​​ដែរ​ ប្រសិន​បើ​ ភាគី​​គណបក្ស​នយោបាយ​​ជាប់​ឆ្នោត​​នៅ​ក្នុង​​រដ្ឋសភា​​ទាំង​ពីរ​​ឈាន​ទៅ​រក​ ​កិច្ច​ព្រម​ព្រៀង​​គ្នា​​ឲ្យ​បាន​​ឆាប់​នៅ​ក្រោយ​​ពិធី​បុណ្យ​​ចូល​ឆ្នាំ​ ថ្មី​​នេះ​។​

សាលា​រាជធានី​ភ្នំពេញ​នៅ​មិន​ទាន់​ឆ្លើយ​តប​សំណើ​​សុំ​​ទីតាំង​​ឃោសនា​​របស់​បក្ស​ប្រឆាំង​

គណបក្សសង្គ្រោះជាតិ​ក្នុងយុទ្ធនាការឃោសនាបោះឆ្នោត

អ្នក​នាំ​ពាក្យ​ក្រសួង​មហា​ផ្ទៃ​ ស្នើ​ឲ្យ​គណបក្ស​នយោបាយ​ប្រតិបត្តិ​ទៅ​តាម​ច្បាប់​ដែល​បាន​កំ​ណ​ត់​ទាក់​ទង​ ទៅ ​នឹង​យុទ្ធនាការ​ឃោសនា​បោះឆ្នោត​ក្រុម​ប្រឹក្សា​រាជធានី ​ខេត្ត ​ស្រុក​ ​ខណ្ឌ
ដែល​​នឹង​ប្រព្រឹត្ត​ទៅ​នៅ​ខែ​ឧសភា​ខាង​មុខ​។ ​ជាមួយ​គ្នា​នេះ​មន្ត្រី​គណបក្ស​សង្គ្រោះ​ជាតិ សង្ឃឹម​ថា ​អាជ្ញាធរ​នឹង​ផ្តល់​ទីតាំង​សាធារណៈ​មួយ​ចំនួន​ដែល​គណបក្ស​ប្រឆាំង​នេះ​បាន​ ស្នើ​សុំ​​រួម​មាន​ទីលាន​ប្រជាធិបតេយ្យ ​ឬ​មុខ​វត្ត​បុ​ទុម​វ​ត្តី​ ដើម្បី​ធ្វើការ​ឃោសនា​ស្មើ​ភាព​គ្នា​។

មន្ត្រី​គណបក្ស​សង្គ្រោះ​ជាតិ​ថ្លែងថា គណបក្សប្រឆាំង​នេះ​នៅ​មិនទាន់​បានទទួល​ការឆ្លើយតប​ពីសា​លា​រាជធានី​ភ្នំពេញ​ នៅឡើយ​ទេ​រហូតមកទល់​រសៀល​ថ្ងៃ​សៅរ៍​ទី១៩មេសា ទាក់ទង​ទៅ​នឹង​ការស្នើសុំ​ទីតាំង​សម្រាប់ធ្វើ​ការឃោសនាបោះឆ្នោត​ជ្រើសរើស​ ក្រុមប្រឹក្សា​រាជធានី ខេត្ត ស្រុក ខណ្ឌ អាណត្តិ​ទី​ពីរ​ដែល​នឹង​ប្រព្រឹត្តិ​ទៅ​នៅ​ថ្ងៃទី១៨ ខែឧសភា ឆ្នាំ ២០១៤ ខាងមុខ។
លោក អេង ឆៃអ៊ាង អ្នកនាំពាក្យ​គណបក្ស​សង្គ្រោះ​ជាតិ បាន​ឲ្យ​ដឹងថា លោក​មានការ​រំពឹង​ទុកថា​អាជ្ញាធរ​នឹង​ផ្តល់​ទីតាំង​សាធារណៈ​ទាំងនោះ​រួមមាន​ ទីលាន​ប្រជាធិបតេយ្យ ឬ​ទីតាំង​មុខ​​វត្តបុ​ទុម​វ​ត្តី។ បើ​ពុំ​នោះទេ​ការបោះឆ្នោត​នេះ​មិនអាច​ចាត់ទុកថា​ជាការ​ប្រកួត​ស្មើភាព​គ្នា​ បានទេហើយ​ម្យ៉ាងទៀត អាជ្ញា​ធរមាន​កាតព្វកិច្ច​ផ្តល់ជូន និង​ការពារ​សុវត្ថិភាព​ដល់​គណបក្ស​ណា​ដែល​បាន​សុំ​មុន យោងតាម​ច្បាប់បោះឆ្នោត។

ប្រធាន​គណបក្ស​អំណាច​ប្រជាពលរដ្ឋបដិសេធ​ថាបក្ស​របស់លោកមិន​ពាក់ព័ន្ធ​អ្វីជាមួយ​លោក​សួនសេរី​រដ្ឋា​នោះទេ

លោក សួន សេរីរដ្ឋា ប្រធានចលនាអំណាចពលរដ្ឋខ្មែរ​ដែល
​មាន​ទីតាំងនៅសហរដ្ឋអាមេរិក

លោក កាន់ វិ​រៈ ប្រធាន​គណបក្ស​អំណាច​ប្រជាពលរដ្ឋ បាន​បដិសេធថា គណបក្ស​របស់លោក មិនមាន​ការពាក់​អ្វី ជាមួយនឹង​លោក សួន សេរី​រដ្ឋា មេដឹកនាំ​ចលនា​អំណាច​ពលរដ្ឋ​ខ្មែរ ដែល​រង​ការចោទប្រកាន់ថា ជា​ក្រុម​ភេរវកម្ម ក្នុងការ​បង្កើត​ កងក​ម្លាំ​ង​ ប្រដាប់អាវុធ ប៉ុនប៉ង​ផ្តួលរំលំរាជ​រដ្ឋាភិបាល​កម្ពុជា នោះទេ​។​

ការបដិសេធ​នេះ បានធ្វើ​ឡើង បន្ទាប់ពី​លោក សួន សេរី​រដ្ឋា គ្រោង​នឹងដាក់ពាក្យ​ទៅ​ក្រសួងមហាផ្ទៃ នៅក្រោយ​ចូលឆ្នាំ​ខ្មែរ ដើម្បី​ស្នើសុំ​បង្កើត គណបក្ស​អំណាច​ពលរដ្ឋ​ខ្មែរ ក្នុង​គោលបំណង ដើម្បី​ការពារ​សកម្មជន និង​អ្នកគាំទ្រ​ចលនា​អំណាច​ពលរដ្ឋ​ខ្មែរ នៅក្នុង​ប្រទេស​កម្ពុជា ឲ្យ​រួច​ផុតពី​ការចោទប្រកាន់ និង​លាប​ពណ៌ ​ថា ជា​ក្រុម​ភេរវកម្ម​។​

រកឃើញ​មាស​... ១២សន្លឹក​ក្នុង​ក្រពះ​អ្នកជំងឺ​មាន​ទម្ងន់​ជិត​កន្លះ​គីឡូ​


អ្នកជំងឺ​ ដែលជា​ពាណិជ្ជករ​វ័យ ៦៣ ឆ្នាំ​ម្នាក់ បានធ្វើ​ឲ្យ​ក្រុមគ្រូពេទ្យ​វះកាត់​នៅ​ឥណ្ឌា “​បះសក់​” ខណៈពេល​ពួកគេ​រកឃើញ​មាស ១២ សន្លឹក នៅក្នុង​ក្រពះ​របស់គាត់ ។​
​ពេល​ត្រូវបាន​បញ្ជូនមក​មន្ទីរ​ពេទ្យ ពាណិជ្ជករ​រូបនេះ បាន​ប្រាប់​ក្រុមគ្រូពេទ្យ​ថា គាត់​មាន​អាការ​ចង់​ក្អួត បន្ទាប់ពី​លេប​គ្រប​ដប​ក្នុង​ជម្លោះ​ជាមួយ​ភរិយា ។​

​​ប៉ុន្តែ ក្រោយ​ការវះកាត់​អស់​រយៈពេល ១២ ម៉ោង​មក ពួកគេ​ត្រលប់​ជា​រកឃើញ​មាស ១២ សន្លឹក មាន​ទម្ងន់ ៤០០ ក្រាម ក្នុង​ក្រពះ​របស់​អ្នកជំងឺ ។​

​ភ្លាមៗ​នោះ ពួកគេ​ក៏​រាយការណ៍​ប្រាប់​ប៉ូលីស និង​គយ ដើម្បី​រឹបអូស​ចំនួន​មាស​ទាំងនោះ ។​